ભારતે અમદાવાદમાં મળેલી ODI વર્લ્ડ કપ ફાઈનલની હારનો બદલો લઈ લીધો છે. ચેમ્પિયન્સ ટ્રોફીની સેમિફાઈનલમાં ટીમ ઈન્ડિયાએ દુબઈ ઈન્ટરનેશનલ સ્ટેડિયમમાં ઓસ્ટ્રેલિયાને 4 વિકેટથી હરાવીને ફાઈનલમાં જગ્યા બનાવી લીધી છે. ટીમ ઈન્ડિયા ચેમ્પિયન્સ ટ્રોફીમાં સતત ત્રીજીવાર ફાઈનલમાં પહોંચી છે.
ત્યારે ટીમ ઇન્ડિયાની જીતને લઈને ગુજરાતમાં ભવ્ય ઉજવણી કરવામાં આવી હતી. મોટી સંખ્યામાં લોકો તિરંગા સાથે રસ્તા પર ઉતરી આવ્યા હતા. તેમજ ભવ્ય આતશબાજી કરીને લોકોએ ભારતની જીતને વધાવી હતી.
અમદાવાદીઓએ ફટાકડા ફોડી મીઠાઈ ખવડાવી ટીમ ઇન્ડિયાની ચેમ્પિયન્સ ટ્રોફીની સેમિફાઈનલમાં ભવ્ય જીતને લઈને અમદાવાદના ખોખરા વિસ્તારમાં ક્રિકેટ રસીકો દ્વારા ફટાકડા ફોડી અને મીઠાઇ ખવડાવીને ઉજવણી કરવામાં આવી હતી. ઓસ્ટ્રેલિયા સામે ભારતનો વિજય થતા લોકોએ ફટાકડા ફોડી ઉજવણી કરી હતી.
ભારતની ભવ્ય જીતને લઈને સુરતીઓમાં ભારે ઉત્સાહ જોવા મળ્યો હતો. સુરત શહેરના ભાગળ રસ્તા પર ટીમ ઇન્ડિયાની જીતની ઉજવણી કરવામાં આવી હતી. સુરતીઓ તિરંગા સાથે રસ્તા ઉપર ઉતરી આવ્યા હતા. તેમજ ભવ્ય આતશબાજી કરીને ટીમ ઇન્ડિયાની જીતને વધાવી હતી.
