જામનગર જિલ્લાના કાનાલુસ ગામે રિલાયન્સ ઇન્ડસ્ટ્રીઝના સહયોગથી નવી ગ્રામ સમાજવાડીના નિર્માણ કાર્યનું ખાતમુહૂર્ત કરવામાં આવ્યું છે. આ સમાજવાડી 2000 લોકોની ક્ષમતા ધરાવતી આધુનિક સુવિધાઓથી સજ્જ હશે.
આ પ્રોજેક્ટ ગ્રુપ પ્રેસિડેન્ટ ધનરાજ નથવાણીના માર્ગદર્શન હેઠળ શરૂ કરવામાં આવ્યો છે. તેમાં વર-કન્યા માટે વિશેષ રૂમ, વિશાળ રસોડું, સ્ટોર રૂમ અને શૌચાલય સહિતની આધુનિક સુવિધાઓ ઉપલબ્ધ બનશે. આ સમાજવાડી કાનાલુસ ગામના સામાજિક અને સાંસ્કૃતિક કાર્યક્રમો માટે એક મહત્વપૂર્ણ કેન્દ્ર બનશે, જે સ્થાનિક સમુદાયને લાભ આપશે.