વડોદરામાં ગેરકાયદેસર પ્રવૃત્તિઓ અટકાવવા માટે પોલીસ વિભાગ દ્વારા ચલાવવામાં આવી રહેલી ઝુંબેશ અંતર્ગત લોકલ ક્રાઇમ બ્રાન્ચની ટીમે સુરસાગર વિસ્તારમાં ચાલતા આંકડા ફેરના જુગારધામ પર સપાટો બોલાવ્યો હતો. બાતમીના આધારે પાડવામાં આવેલા આ દરોડા દરમિયાન પોલીસે વરલી મટકાનો જુગાર રમાડતા એક શખ્સની સ્થળ પરથી જ અટકાયત કરી હતી.
આરોપી અને જપ્ત કરાયેલ મુદ્દામાલ પોલીસે પાડેલા દરોડામાં પકડાયેલા આરોપીની ઓળખ હનીફભાઈ ભીંડાવાલા તરીકે થઈ છે. દરોડા દરમિયાન પોલીસે સ્થળ પરથી આંક-ફરકા લખેલી જુગારની કાપલીઓ, ₹14,480ની રોકડ રકમ, એક મોબાઈલ ફોન અને એક એક્ટિવા વાહન મળી કુલ ₹48,480નો મુદ્દામાલ જપ્ત કર્યો હતો.
પોલીસ કાર્યવાહી અને તપાસ સુરસાગર નજીક જાહેર જગ્યા પર ગેરકાયદેસર રીતે ચાલતા જુગારના અડ્ડાનો પર્દાફાશ કર્યા બાદ પોલીસે તમામ મુદ્દામાલ કબ્જે લીધો છે. આ સમગ્ર મામલે રાવપુરા પોલીસ મથકે જુગારધારાની સંબંધિત કલમો હેઠળ ગુનો નોંધીને આગળની તપાસ અને કાયદેસરની કાર્યવાહી શરૂ કરવામાં આવી છે.