બુધવારે ખરાબ હવામાન વચ્ચે પટનાથી લખનૌ જઈ રહેલી ઈન્ડિગોની ફ્લાઈટ (જેમાં ૧૦૪ મુસાફરો સવાર હતા) ૧૭,૦૦૦ ફૂટની ઊંચાઈએ આકાશી વીજળીની ઝપેટમાં આવી હતી. જાેકે, તમામ મુસાફરો સુરક્ષિત હતા; આ ઘટનામાં વિમાનના આગળના ભાગને (નોઝ) નુકસાન થયું હતું. વીજળી પડવાને કારણે લખનૌ એરપોર્ટ પર ઈમરજન્સી લેન્ડિંગ કરવું પડ્યું હતું અને તમામ મુસાફરોને સુરક્ષિત રીતે બહાર કાઢવામાં આવ્યા હતા; આ ઘટનામાં કોઈને ઈજા થઈ હોવાના અહેવાલ નથી.
ઈન્ડિગો ફ્લાઈટ ૬ઈ૯૨૫ સાથે જાેડાયેલી ઘટના
આ ઘટના ત્યારે બની જ્યારે ઈન્ડિગોની ફ્લાઈટ ૬ઈ૯૨૫ બપોરે ૩:૧૦ વાગ્યે પટના એરપોર્ટથી રવાના થઈ અને સાંજે ૪:૨૦ વાગ્યે લખનૌ પહોંચવાની હતી. વીજળી પડ્યા બાદ ફ્લાઈટ સાંજે લગભગ ૪:૦૫ વાગ્યે લખનૌમાં સુરક્ષિત રીતે ઉતરી હતી.
જ્યારે વિમાન લખનૌ પહોંચી રહ્યું હતું ત્યારે વીજળી પડવાથી તેના આગળના ભાગને નુકસાન થયું હતું. જાેકે, પાયલોટે પરિસ્થિતિને સંભાળી લીધી અને વિમાનને સુરક્ષિત રીતે એરપોર્ટ પર ઉતાર્યું.
મુસાફરોને સુરક્ષિત રીતે બીજી ફ્લાઈટમાં ખસેડાયા
લેન્ડિંગના થોડા સમય બાદ, વીજળી પડવાને કારણે સર્જાયેલી તકનીકી ખામીને લીધે વિમાનને લખનૌ એરપોર્ટ પર જ રોકી દેવામાં આવ્યું હતું. આ વિમાન દ્વારા લખનૌથી અમદાવાદ માટે ઈન્ડિગો ફ્લાઈટ ૬ઈ૬૯૬૮નું સંચાલન થવાનું હતું. જાેકે, એરલાઈને મુસાફરો માટે અન્ય વિમાનની વ્યવસ્થા કરી હતી. ત્યારબાદ તમામ મુસાફરો સાંજે લગભગ ૬:૨૨ વાગ્યે વૈકલ્પિક ફ્લાઈટ દ્વારા અમદાવાદ જવા રવાના થયા હતા.
ઈન્ડિગોની અન્ય એક ફ્લાઈટ પર પણ વીજળી પડી હતી
આ તાજેતરની ઘટના એવા સમયે બની છે જ્યારે તેના થોડા મહિના પહેલા, ૧૯ જૂનના રોજ કોલકાતા એરપોર્ટ પર વાવાઝોડા દરમિયાન પાર્ક કરેલા ઈન્ડિગોના અન્ય એક વિમાન પર વીજળી પડી હતી. તે ઘટના ત્યારે બની હતી જ્યારે ફ્લાઈટ અગરતલા જઈ રહી હતી અને તેના પર વીજળી પડવાથી તેની પાવર સિસ્ટમ પ્રભાવિત થઈ હતી.
આ ઘટના બાદ એરલાઈને ૧૪૧ મુસાફરો અને છ ક્રૂ મેમ્બરોને વિમાનમાંથી નીચે ઉતાર્યા હતા અને બાદમાં મુસાફરોને બીજા વિમાન દ્વારા અગરતલા મોકલવામાં આવ્યા હતા. વધુમાં, જૂનની ઘટના બાદ બે ગ્રાઉન્ડ સ્ટાફ સભ્યોને તબીબી તપાસ માટે હોસ્પિટલ લઈ જવામાં આવ્યા હતા. જાેકે, બાદમાં તેમને રજા આપવામાં આવી હતી. બેંગલુરુમાં ઇન્ડિગોની ફ્લાઇટને ટેઇલ સ્ટ્રાઇકનો સામનો કરવો પડ્યો
ગયા મહિને, ગુવાહાટીથી બેંગલુરુ જતી ઇન્ડિગોની ફ્લાઇટને રવિવારે બેંગલુરુ એરપોર્ટ પર બીજી વાર લેન્ડિંગના પ્રયાસ દરમિયાન ટેઇલ સ્ટ્રાઇકનો સામનો કરવો પડ્યો હતો. ઇન્ડિગોએ એક નિવેદનમાં જણાવ્યું હતું કે ગુવાહાટી-બેંગલુરુ ફ્લાઇટ ચલાવતા તેના વિમાનને કેમ્પેગૌડા આંતરરાષ્ટ્રીય એરપોર્ટ પર તોફાની હવામાન દરમિયાન લેન્ડિંગ કરતી વખતે “અસામાન્ય રનવે સંપર્ક” થયો હતો.
નિવેદનમાં કહેવામાં આવ્યું છે કે બધા ગ્રાહકો અને ક્રૂ સુરક્ષિત છે અને સુરક્ષિત રીતે નીચે ઉતરી ગયા છે. ઇન્ડિગો છ૩૨૧ વિમાનને ભૂતકાળમાં પણ દેશના વિવિધ એરપોર્ટ પર ટેઇલ સ્ટ્રાઇકનો સામનો કરવો પડ્યો હતો. “વિમાન જાળવણી તપાસ હેઠળ છે. જરૂરી મંજૂરીઓ મેળવ્યા પછી તે ફરી કાર્યરત થશે,” એરલાઇને નિવેદનમાં જણાવ્યું હતું. તેણે ઉમેર્યું હતું કે તમામ સંબંધિત અધિકારીઓને આ ઘટના વિશે જાણ કરવામાં આવી છે.