રશિયન સરહદી બ્રાયન્સ્ક ક્ષેત્રમાં યુક્રેનિયન ડ્રોન હુમલામાં એકનું મોત
રશિયાના સરહદી બ્રાયન્સ્ક પ્રદેશના ગવર્નરએ જણાવ્યું હતું કે, યુક્રેન દ્વારા કરવામાં આવેલ ડ્રોન હુમલામાં એક વ્યક્તિનું મોત થયું હતું અને બીજાે ઘાયલ થયો હતો, જ્યારે સંરક્ષણ મંત્રાલયે જણાવ્યું હતું કે રશિયન હવાઈ સંરક્ષણ એકમોએ ૧૨ કલાકના સમયગાળામાં ૧૮૫ યુક્રેનિયન ડ્રોનને તોડી પાડ્યા હતા.
બ્રાયન્સ્કના ગવર્નર યેગોર કોવલચુકે જણાવ્યું હતું કે સરહદ નજીકના એક ગામમાં એક વ્યક્તિનું મોત થયું હતું. રશિયન સમાચાર એજન્સીઓ દ્વારા ટાંકવામાં આવેલા પ્રદેશના જનરલ હેડક્વાર્ટરે જણાવ્યું હતું કે હવાઈ સંરક્ષણ એકમોએ ૬૨ ડ્રોનનો નાશ કર્યો હતો, પરંતુ કાર્યવાહી માટે કોઈ સમયમર્યાદા આપી ન હતી.
રશિયાના સંરક્ષણ મંત્રાલયે ટેલિગ્રામ પર પોસ્ટ કરીને અહેવાલ આપ્યો હતો કે સવારે ૮ થી રાત્રે ૮ વાગ્યા (૦૫૦૦-૧૭૦૦ ય્સ્) દરમિયાન લગભગ એક ડઝન પ્રદેશોમાં ૧૮૫ ડ્રોનને અટકાવવામાં આવ્યા હતા, જેમાંથી મોટાભાગના મધ્ય રશિયામાં હતા.
મોસ્કોના મેયર સેરગેઈ સોબ્યાનિને દિવસભર ટેલિગ્રામ પર નિવેદનોની લાંબી શ્રેણી જારી કરી હતી, જેમાં અહેવાલ આપ્યો હતો કે રશિયન રાજધાની ? તરફ જતા ડ્રોનને તોડી પાડવામાં આવ્યા હતા અને નિષ્ણાતો જમીન પરના ટુકડાઓની તપાસ કરી રહ્યા હતા.
રશિયન સમાચાર એજન્સીઓની બિનસત્તાવાર ગણતરી દર્શાવે છે કે શુક્રવારે દિવસભરમાં આવા ૨૭ ડ્રોનનો નાશ કરવામાં આવ્યો હતો.
યુક્રેને રશિયાની અંદર મધ્યમ-અંતરના અને લાંબા-અંતરના લક્ષ્યો પર ડ્રોન હુમલાઓનું અભિયાન વધુ તીવ્ર બનાવ્યું છે, જેમાં મુખ્યત્વે તેલ ઉદ્યોગ સાથે સંકળાયેલા સ્થળોને નિશાન બનાવવામાં આવ્યા છે.