રવિવારે વહેલી સવારે યુક્રેનિયન સૈન્યએ જણાવ્યું હતું કે કિવમાં બેલિસ્ટિક મિસાઇલ હુમલો ચાલી રહ્યો છે.
“રાજધાનીમાં હવાઈ સંરક્ષણ દળો કાર્યરત છે. આશ્રયસ્થાનોમાં રહો!”, રાજધાનીના મેયર વિટાલી ક્લિટ્સ્કોએ ટેલિગ્રામ પર જણાવ્યું હતું.
મીડિયા સૂત્રોએ જણાવ્યું હતું કે સ્થાનિકોએ વિસ્ફોટો સાંભળ્યા હતા અને આકાશમાં અનેક ચમકારા જાેયા હતા.
મધ્ય-પૂર્વીય યુક્રેન અને ઉત્તરીય સુમી પ્રદેશમાં એક દિવસ પહેલા રશિયન હુમલાઓમાં બે લોકો માર્યા ગયા હતા.
યુક્રેને રશિયાના દક્ષિણપશ્ચિમમાં વોલ્ગોગ્રાડ અને બેલ્ગોરોડ અને મોસ્કો દ્વારા નિયંત્રિત યુક્રેનના ડોનેટ્સક પ્રદેશમાં હોર્લિવકા પર હુમલા શરૂ કર્યા પછી પણ આ ઘટના સામે આવી છે.
પ્રાદેશિક અધિકારીઓએ જણાવ્યું હતું કે હુમલામાં ત્રણ લોકો માર્યા ગયા હતા.
રશિયાએ ફેબ્રુઆરી ૨૦૨૨ માં તેના સંપૂર્ણ પાયે આક્રમણની શરૂઆત પછી યુક્રેનને લગભગ દૈનિક હુમલાઓથી નિશાન બનાવ્યું છે, જે બીજા વિશ્વ યુદ્ધ પછી યુરોપમાં સૌથી લોહિયાળ સંઘર્ષ છે.
યુક્રેને તાજેતરના મહિનાઓમાં રશિયા અને મોસ્કો દ્વારા કબજે કરાયેલા પ્રદેશો સામે તેના હુમલાઓ પણ વધારી દીધા છે, જેને તે બદલો લેવા તરીકે વર્ણવે છે.