સાવરકુંડલા
(બિપીન પાંધી દ્વારા)
હાઈકોર્ટેના આદેશ અનુસાર બંધારણ દિવસ સપ્તાહની ઉજવણીના ભાગરૂપે આજે તારીખ ૨૯-૧૧-૨૦૨૨ ના રોજ સાવરકુંડલા તાલુકા કાનૂની શિક્ષણ શિબિરનું આયોજન જેસર રોડ પર આવેલા સ્વામિનારાયણ ગુરુકુળ શાળામાં તાલુકા કાનૂની સેવા સમિતિ દ્વારા કરવામાં આવેલ. આ તકે આ શાળાના વિદ્યાર્થીઓને બંધારણના મૂળભૂત હકો અને ફરજો સંદર્ભે પીએલવી એ.એ.રાઠોડ દ્વારા વિશદ સમજ આપવામાં આવી હતી. ખૂબ જ સૌહાર્દપૂર્ણ વાતાવરણમાં સાંપ્રત સમયમાં બંધારણની મૂળભૂત હકો અને ફરજોની સમજ આપવાનું પ્રશંસનીય કામગીરી તાલુકા કાનૂની સેવા સમિતિના સેક્રેટરી એસ. એમ. ટાંકની કામગીરી નોંધપાત્ર હતી.
શિબિરના પ્રારંભે આ શાળાના આચાર્ય શ્રી ગિરીશભાઈ વ્યાસે મહાનુભાવોનું સ્વાગત પેન અર્પણ કરીને કર્યું હતું. આ શિબિર દરમિયાન શાળાના વિદ્યાર્થીઓએ સંપૂર્ણ શિસ્ત અને શાંતિ જાળવી હતી અને વકતાઓને ખૂબ ધ્યાનથી સાંભળ્યા હતાં. આભારવિધિ આ શાળાના કર્મનિષ્ઠ શિક્ષક કૌશિકભાઈ ગૌસ્વામી દ્વારા કરવામાં આવેલ.
