મુંબઈ
સ્પાઈડરમેન સિરીઝની રિલીઝ થયેલી તમામ ફિલ્મોએ દુનિયાભરમાં લોકપ્રિયતા મેળવી છે. સ્પાઈડરમેનના ફેન્સ હંમેશા તેમના સુપર હિરોની ફિલ્મની આતુરતાથી રાહ જાેઈ રહ્યા છે. ભારત સહિત દુનિયાભરના બોક્સ ઓફિસ પર સ્પાઈડરમેન ફિલ્મોએ ધૂમ મચાવી છે કારણ કે તમામ વયજૂથના લોકો તેના ચાહકો છે. સ્પાઈડરમેન સિરીઝની વધુ એક ફિલ્મ ‘સ્પાઈડરમેનઃ એક્રોસ ધ સ્પાઇડર વર્સ’ આગામી ૨ જૂને રિલીઝ થશે. ફિલ્મને ભારતભરમાં વિવિધ ૧૦ ભાષામાં રિલીઝ કરવામાં આવશે. અંગ્રેજી ભાષા ઉપરાંત ‘સ્પાઈડરમેનઃ એક્રોસ ધ સ્પાઇડર વર્સ’ને હિન્દી, તમિલ, તેલુગુ, કન્નડ, મલયાલમ, ગુજરાતી, મરાઠી, પંજાબી અને બંગાળી ભાષામાં રિલીઝ કરવામાં આવશે જેથી દરેક પ્રાંતના દર્શકો તેમની માતૃભાષામાં ફિલ્મનો આનંદ લઈ શકશે. સોની પિક્ચર્સ રીલિઝિંગ ઈન્ટરનેશનલ (એસપીઆરઆઈ), ઈન્ડિયાના જનરલ મેનેજર અને હેડ શૉની પંજીકરને કહ્યું હતું કે, સ્પાઈડરમેન ભારતમાં સૌથી ફેમસ સુપર હિરો છે તથા સ્પાઈડરમેનની કોઈ પણ ફિલ્મ ખરાં અર્થમાં ભારતીય અને વાસ્તવિક છે. ફિલ્મમાં તેમના કાલ્પનિક એનિમેટેડ પાત્રો સાથે જાેવા મળશે. આ ફિલ્મમાં ભારતીય સ્પાઈડરમેન પવિત્ર પ્રભાકર મુંબઈની ગલીઓમાં આગવા અંદાજમાં કૂદતો જાેવા મળશે. સ્પાઈડરમેન સિરીઝની લાસ્ટ ફિલ્મ ‘સ્પાઈડરમેન નો વે હોમ’ ને ચાહકોએ ખૂબ પસંદ કરી હતી અને આ ફિલ્મે વૈશ્વિક બોક્સ ઓફિસ પર કમાણીના નવા રેકોર્ડ સર્જ્યા હતા. ‘સ્પાઈડરમેનઃ એક્રોસ ધ સ્પાઈડર વર્સ’નું ટ્રેલર મંગળવારે રિલીઝ કરવામાં આવ્યું છે. ફિલ્મનું નિર્દેશન જાેકિમ ડૉસ સૈંટોસ, કેમ્પ પૉવર્સ અને જસ્ટિન કે. થૉમ્પસને કર્યુ છે.
