જામનગર જિલ્લા પોલીસવડા અને પોલીસના અન્ય અધિકારીઓ દ્વારા પોલીસ હેડ કવાર્ટરમાં પોલીસ પરિવારના સભ્યો સાથે ધૂળેટીની ઉજવણી કરવામાં આવી હતી.જિલ્લા પોલીસ વડા પ્રેમસુખ ડેલુની આગેવાની હેઠળ પોલીસ હેડ ક્વાર્ટરના ગ્રાઉન્ડમાં ધૂળેટીનું પર્વ ધમાલ મસ્તી સાથે ઉજવાયું હતું.
એસ.પી. પ્રેમસુખ ડેલુ એ જામનગર શહેર વિભાગના ડીવાયએસપી, ઉપરાંત જિલ્લા ના પોલીસ મથકમાં ફરજ બજાવતા અન્ય ડીવાયએસપી, પોલીસી ઇન્સ્પેક્ટર, તેમજ અન્ય પોલીસ સ્ટાફથી સાથે એકબીજાને કલર લગાવી ધુળેટીનું પર્વ મનાવ્યું હતું.
સાથો સાથ પોલીસ હેડ ક્વાર્ટરમાં વસવાટ કરતા પોલીસ કર્મચારીઓના પરિવારજનો પણ આ ધુળેટીના પર્વ માં જોડાયા હતા, અને એકબીજા પર કલર ઉડાવી, ડીજેના તાલે ધમાલ મસ્તી કરી હતી.
હેડ ક્વાર્ટર ના ગ્રાઉન્ડમાં પાણીનો કૃત્રિમ હોજ બનાવ્યો હતો જેમાં ભૂલકાઓએ એકબીજાને પાણીમાં ખેંચી લઈ ડૂબકી લગાવડાવી પર્વની ધમાલ મસ્તી સાથે આ પર્વની ઉજવણી કરી હતી.