મહુવા તાલુકાના મુડત ગામે ભૂસ્તર વિભાગની ફ્લાઈંગ સ્કોડની ટીમે રેડ પાડી ગેરકાયદેસર ચાલતુ માટી ખનન ઝડપી પાડ્યુ હતુ.એફએસની ટીમ દ્વારા ઘટના સ્થળે થી ગેરકાયદેસર માટી ખનન કરતુ એક જેસીબી મશીન અને બે ટ્રક ઝડપી કાયદેસરની કાર્યવાહી હાથ ધરી હતી.
એફએસની ટીમ દ્વારા જેસીબીનો કબ્જો શેખપુર ગ્રામપંચાયતને જ્યારે બે ટ્રકનો કબ્જો મહુવા પોલીસને આપી લાખ્ખો રૂપિયાનો મુદ્દામાલ સીઝ કરી કાયદેસરની કાર્યવાહી હાથ ધરતા માટી ચોરોમાં ફફડાટ ફેલાય ગયો હતો.
મહુવા તાલુકાના શેખપુર તેમજ તેની બાજુમાં આવેલ મુડત ગામે મોટા પાયે ગેરકાયદે માટી ખનનનુ નેટવર્ક પુરજોશમાં ધમધમી રહ્યુ હોવાની બાતમી ભૂસ્તર વિભાગની ફલાઈંગ સ્કોર્ડની ટીમને મળી હતી.
બાતમી આધારે ભૂસ્તર વિભાગની એફએસની ટીમ દ્વારા મુડત ગામે ચાલતા માટી ખનન પર રેડ પાડી માટી ખનન અંગેની પરવાનગી કે પાસ પરમીટ માંગી હતી.
માટી ખનન કરનારાઓ દ્વારા કોઈ પાસ પરમીટ રજૂ ન કરાતા એફએસની ટીમ દ્વારા ઘટના સ્થળે થી ગેરકાયદેસર રીતે માટી ખનન કરતુ એક જેસીબી મશીન અને માટી ભરેલ બે ટ્રકો ઝડપી પાડી હતી.
ઘટના સ્થળેથી પકડેલ જેસીબી મશીનનો કબ્જો શેખપુર ગ્રામપંચાયતને જયારે માટી ભરેલ બે ટ્રકનો કબ્જો મહુવા પોલીસને આપી ભુસ્તરની ટીમ દ્વારા લાખ્ખો રૂપિયાનો મુદ્દામાલ સીઝ કરી આગળની વધુ કાયદેસરની કાર્યવાહી હાથ ધરી હતી.