e-FIR દ્વારા દાખલ થયેલ મોબાઇલ ચોરીના ગુનામાં એક ઇસમને ચોરીના મોબાઇલ ફોન સાથે પકડી પાડી, અનડીટેકટ ગુનો ડીટેકટ કરતી અમરેલી એલ.સી.બી. ટીમ
ગુજરાત સરકારી દ્વારા ગુજરાતના નાગરીકોને આપવામાં આવતી ઓનલાઇન સેવાઓમાં વધારો કરી, વાહન ચોરી કે મોબાઇલ ચોરી થયા અંગેની ફરીયાદ કરવા પોલીસ સ્ટેશનમાં જવુ ન પડે, અને ઘરે બેઠા ફરીયાદ કરી શકાય તે માટે સીટીઝન પોર્ટલ અથવા સીટીઝન ફર્સ્ટ મોબાઇલ એપ મારફતે ફરીયાદ કરવા e-FIR ની સુવિધાનો પ્રારંભ કરવામાં આવેલ છે. જે અન્વયે પોલીસ મહાનિદેશક અને મુખ્ય પોલીસ અધિકારી ગુજરાત રાજય, ગાંધીનગર નાઓેએ સરકારની આ યોજનાનો લાભ લેવા નાગરીકો દ્વારા વાહન ચોરી કે મોબાઇલ ચોરી અંગે દાખલ કરવામાં આવતી e-FIR અન્વયે સુચનો અને માર્ગદર્શિકા જાહેર કરવામાં આવેલ છે.
ભાવનગર રેન્જ આઇ.જી.ગૌતમ પરમાર નાઓએ ભાવનગર રેન્જના જિલ્લાઓમા e-FIR દ્વારા દાખલ થયેલ અનડીટેકટ ગુનાઓ ડીટેકટ કરવા સુચના આપેલ હોય, અમરેલી પોલીસ અધિક્ષક સંજય ખરાત નાઓએ અમરેલી જિલ્લામા e-FIR થી દાખલ થયેલ ગુનાઓના આરોપીઓને પકડી પાડી, નાગરિકોના ચોરાયેલ વાહન, મોબાઇલ ફોન તેમને પાછા મળે, તે માટે જરૂરી કાર્યવાહી કરવા અમરેલી જિલ્લા પોલીસને જરૂરી માર્ગદર્શન આપેલ.જે અન્વયે અમરેલી એલ.સી.બી. પોલીસ ઇન્સ. વી.એમ.કોલાદરા નાઓની રાહબરી હેઠળ એલ.સી.બી.ટીમ દ્વારા તપાસ હાથ ધરવામાં આવેલ અને બાતમી હકિકત તેમજ ટેકનીકલ સોર્સ આધારે એક ઇસમને ચોરીના મોબાઇલ ફોન સાથે પકડી પાડી, અમરેલી સીટી પોલીસ સ્ટેશનમાં દાખલ થયેલ અનડીટેકટ ગુનાઓ ડીટેકટ કરવામાં એલ.સી.બી. ટીમને સફળતા મળેલ છે.
🢣
*ડીટેકટ કરવામાં આવેલ ગુનાની વિગતઃ*-
અમરેલી સીટી પો.સ્ટે. એ પાર્ટ ગુ.ર.નં.૧૧૧૯૩૦૦૩૨૪૦૫૦૧/૨૦૨૪ IPC કલમ ૩૭૯.
*પકડાયેલ આરોપીની વિગતઃ*-
લાખાભાઇ નાથાભાઇ વાઘેલા, ઉ.વ.૨૫, રહે.જીરા, તા.ધારી, જિ.અમરેલી.
*રીકવર કરેલ મુદ્દામાલની વિગતઃ*-
એક વીવો કંપનીનો 1933 મોડલનો એન્ડ્રોઇડ મોબાઇલ ફોન કિં.રૂ.૮,૦૦૦/-
*આ કામગીરી અમરેલી પોલીસ અધિક્ષક સંજય ખરાત નાઓની સુચના અને માર્ગદર્શન હેઠળ અમરેલી એલ.સી.બી.પોલીસ ઇન્સ.વી.એમ.કોલાદરા તથા હેડ કોન્સ.કુલદીપભાઇ દેવભડીંગજી, તુષારભાઇ પાંચાણી તથા પો. કોન્સ. શિવરાજભાઇ વાળા, ભાવિનગીરી ગૌસ્વામી દ્વારા કરવામાં આવેલ છે.*
*અહેવાલ ભાવેશ વાઘેલા અમરેલી*
