પશ્ચિમ બંગાળના મુખ્યમંત્રી મમતા બેનર્જીએ બુધવારે પુણે જિલ્લામાં થયેલા વિમાન દુર્ઘટનામાં મહારાષ્ટ્રના નાયબ મુખ્યમંત્રી અજિત પવારના મૃત્યુ પર દુ:ખ વ્યક્ત કર્યું હતું. જાેકે, તેમણે આ ઘટનામાં ગોટાળાની શક્યતાનો સંકેત આપ્યો હતો અને સુપ્રીમ કોર્ટની દેખરેખ હેઠળ તપાસની માંગ કરી હતી. બેનર્જીએ કહ્યું હતું કે પવારનું મૃત્યુ એવા સમયે થયું છે જ્યારે તેઓ શરદ પવારની પાર્ટીમાં પાછા ફરવાના હતા અને તેથી તેની તપાસ થવી જાેઈએ.
અજિત પવાર શરદ પવારની પાર્ટીમાં પાછા ફરવાના હતા. વિમાન દુર્ઘટનાની તપાસ થવી જાેઈએ. એજન્સીઓ વેચાઈ ગઈ છે, તેથી સુપ્રીમ કોર્ટની દેખરેખ હેઠળ તપાસ થવી જાેઈએ, ”તેમણે કહ્યું.
જ્યારે જિલ્લાના બારામતી વિસ્તારમાં વિમાન ઉતરાણ કરી રહ્યું હતું ત્યારે આ ઘટના બની હતી, એમ તેમણે જણાવ્યું હતું.
મહારાષ્ટ્ર સરકારે ૩ દિવસના રાજ્ય શોકની જાહેરાત કરી છે
વિમાન દુર્ઘટનામાં મૃત્યુ પામેલા નાયબ મુખ્યમંત્રી અજિત પવારના માનમાં સરકારે સમગ્ર મહારાષ્ટ્રમાં ત્રણ દિવસના રાજ્ય શોકની જાહેરાત કરી છે.
સરકારની સૂચના મુજબ, ૨૮ જાન્યુઆરીથી ૩૦ જાન્યુઆરી સુધી રાજ્ય શોક મનાવવામાં આવશે, જે દરમિયાન રાષ્ટ્રીય ધ્વજ નિયમિતપણે લહેરાતા તમામ ઇમારતો પર અડધી કાઠીએ લહેરાશે, એમ વિભાગે એક સત્તાવાર સંદેશમાં જણાવ્યું હતું.
શોક સમયગાળા દરમિયાન કોઈ સત્તાવાર મનોરંજન યોજાશે નહીં, એમ વિભાગે વધુમાં જાહેર કર્યું હતું. નાયબ મુખ્યમંત્રીના અવસાનના કારણે બુધવારે મહારાષ્ટ્રભરમાં તમામ રાજ્ય સરકારી કચેરીઓ બંધ રહેશે.
અંડર સેક્રેટરી એચ પી બાવિસ્કરના હસ્તાક્ષર હેઠળ જારી કરાયેલા સંદેશમાં સંબંધિત તમામ અધિકારીઓને તાત્કાલિક જરૂરી પગલાં લેવા અને સૂચનાઓનું કડક પાલન સુનિશ્ચિત કરવાનો નિર્દેશ આપવામાં આવ્યો હતો. અધિકારીઓએ જણાવ્યું હતું કે બુધવારે સવારે મહારાષ્ટ્રના પુણે જિલ્લામાં તેમને લઈ જતું વિમાન ક્રેશ થતાં ૬૬ વર્ષીય અજિત પવાર અને અન્ય ચાર લોકોના મોત થયા હતા. તેમણે જણાવ્યું હતું કે પવાર અને અન્ય લોકોને લઈ જતું વિમાન બારામતી નજીક ઉતરાણ કરતી વખતે આ ઘટના બની હતી.