યુનાઇટેડ સ્ટેટ્સ જીઓલોજિકલ સર્વે (USGS) અનુસાર, મંગળવારે ટોંગા ક્ષેત્રમાં નેઆફુમાં ૭.૬ ની તીવ્રતાનો ભૂકંપ આવ્યો હતો, જેના ડેટા દર્શાવે છે કે ભૂકંપ ૨૩૫ કિલોમીટરથી વધુ ઊંડાઈએ આવ્યો હતો. કોઈ નુકસાન કે ઈજાના તાત્કાલિક કોઈ અહેવાલ નથી.
દક્ષિણ પેસિફિકમાં ૧૭૧ ટાપુઓના દ્વીપસમૂહ ટોંગાના નેઆફુથી ૧૫૩ કિલોમીટર પશ્ચિમમાં ભૂકંપ આવ્યો હતો. USGS ના ડેટા અનુસાર, ભૂકંપ ૨૩૭.૫ કિમી ઊંડાઈએ લગભગ ૪:૩૭ વાગ્યે આવ્યો હતો.
પેસિફિક સુનામી ચેતવણી કેન્દ્ર એ જણાવ્યું હતું કે ભૂકંપ પૃથ્વીની અંદર ખૂબ ઊંડે હોવાથી સુનામીની કોઈ ચેતવણી નથી.
ટોંગાના હિહિફોમાં ૬.૨ ની તીવ્રતાનો ભૂકંપ આવ્યાના એક દિવસ પછી આ ઘટના બની છે. USGS અનુસાર, સોમવારે ભૂકંપ ૭૯.૭ કિમી (૪૯.૫૨ માઇલ) ઊંડાઈએ આવ્યો હતો.
સોમવારે નેપાળમાં પણ બપોરે ૪.૧ ની તીવ્રતાનો ભૂકંપ આવ્યો હતો. સુદુરપશ્ચિમ પ્રાંતમાં બપોરે ૪.૧ ની તીવ્રતાના આંચકા અનુભવાયા હતા.
કોઈ જાનહાનિ કે મિલકતને નુકસાન થયાના તાત્કાલિક કોઈ અહેવાલ નથી.
ભૂકંપ દેખરેખ અને સંશોધન કેન્દ્ર અનુસાર, બપોરે ૧:૧૪ વાગ્યે ભૂકંપ નોંધાયો હતો. ભૂકંપનું કેન્દ્ર બજંગના રાયલ વિસ્તાર નજીક હતું.
બાજુરા અને બૈતાડી સહિતના પડોશી જિલ્લાઓમાં રહેવાસીઓએ પણ ભૂકંપના આંચકા અનુભવ્યા હતા. ૧૭ માર્ચે સુદુરપશ્ચિમ પ્રાંતમાં ૪ ની તીવ્રતાનો ભૂકંપ આવ્યો હતો.
રાષ્ટ્રીય ભૂકંપ દેખરેખ અને સંશોધન કેન્દ્ર અનુસાર, દાર્ચુલા જિલ્લાના સિટૌલા વિસ્તારમાં ભૂકંપ આવ્યો હતો.
કોઈપણ વર્ષમાં અનેક ભૂકંપનો અનુભવ કરતું નેપાળ, સૌથી સક્રિય ટેક્ટોનિક ઝોન (સિસ્મિક ઝોન ૈંફ અને ફ) માં આવેલું છે, જે તેને ભૂકંપ માટે અત્યંત સંવેદનશીલ બનાવે છે.
હિમાલયનો આ રાષ્ટ્ર વિશ્વના સૌથી વધુ ભૂકંપ-સંભવિત દેશોમાં ૧૧મા ક્રમે છે.