ઇટાલીના વડા પ્રધાન જ્યોર્જિયા મેલોનીએ ઇઝરાયલ સાથેના ઇટાલીના સંરક્ષણ કરારને સ્થગિત કરવાની જાહેરાત કરી હતી, જેમાં લશ્કરી સાધનો અને ટેકનોલોજી સંશોધનનું વિનિમય સામેલ છે.
“વર્તમાન પરિસ્થિતિને ધ્યાનમાં રાખીને, સરકારે ઇઝરાયલ સાથેના સંરક્ષણ કરારના સ્વચાલિત નવીકરણને સ્થગિત કરવાનો ર્નિણય લીધો છે,” મેલોનીને ઇટાલિયન સમાચાર એજન્સી અન્સાએ ટાંક્યું હતું.
એક ઇટાલિયન રાજદ્વારી સૂત્રએ મીડિયાને પુષ્ટિ આપી હતી કે કરાર સ્થગિત કરવામાં આવ્યો છે, અને કહ્યું હતું કે: “તેને ચાલુ રાખવું રાજકીય રીતે મુશ્કેલ હોત.”
કરાર શેના વિશે છે?
અહેવાલ મુજબ, ઇઝરાયલ સાથેના કરારને ૨૦૦૬ માં મંજૂરી આપવામાં આવી હતી અને દર પાંચ વર્ષે તેની સમીક્ષા કરવામાં આવે છે. તેમાં સંરક્ષણ ઉદ્યોગો, લશ્કરી કર્મચારીઓના શિક્ષણ અને તાલીમ, સંશોધન અને વિકાસ અને માહિતી ટેકનોલોજી સહિત અન્ય ક્ષેત્રોમાં સહયોગની હાકલ કરવામાં આવી છે.
ઇટાલિયન સરકારે ઇઝરાયલી દળો પર લેબનોનમાં ઇટાલિયન યુએન શાંતિ રક્ષકોના કાફલા પર ચેતવણી ગોળીબાર કરવાનો આરોપ લગાવ્યા બાદ છેલ્લા અઠવાડિયામાં બંને દેશો વચ્ચે તણાવ વધ્યો છે.
ઇઝરાયલ અને ઇટાલી વચ્ચે તણાવ વધી રહ્યો છે
ઇટાલીએ અગાઉ લેબનોન પર ઇઝરાયલના હુમલાઓની નિંદા કરી છે, વિદેશ પ્રધાન એન્ટોનિયો તાજાનીએ તેને લેબનોનના નાગરિકો પર “અસ્વીકાર્ય હુમલા” ગણાવ્યા હતા. આ પછી, ઇઝરાયલે સોમવારે ઇટાલીના રાજદૂતને બોલાવ્યા.
લેબનોનના રાષ્ટ્રપતિ જાેસેફ ઓન અને વિદેશ પ્રધાન યુસુફ રાગી સાથે વાતચીત માટે તાજાનીએ સોમવારે બેરુતની પણ મુલાકાત લીધી હતી. તેમણે પાછળથી ઠ પર લખ્યું હતું કે તેઓ “નાગરિક વસ્તી સામે ઇઝરાયલના અસ્વીકાર્ય હુમલાઓ બાદ ઇટાલીની એકતા વ્યક્ત કરવા” ત્યાં હતા.
વેરોનામાં એક વાઇન ઉદ્યોગ મેળાની બાજુમાં બોલતા, મેલોનીએ ઇઝરાયલ, યુએસ અને ઈરાન વચ્ચેના યુદ્ધનો અંત લાવવા માટે શાંતિ વાટાઘાટો પર ભાર મૂક્યો. તેણીએ હોર્મુઝ સ્ટ્રેટમાં પરિસ્થિતિને સ્થિર કરવા અને તેને ફરીથી ખોલવા માટે પણ વિનંતી કરી.
“શાંતિ વાટાઘાટોને આગળ વધારવા માટે કામ કરવાનું ચાલુ રાખવું જરૂરી છે, પરિસ્થિતિને સ્થિર કરવા અને (હોર્મુઝ) સ્ટ્રેટને ફરીથી ખોલવા માટે દરેક શક્ય પ્રયાસ કરવો જરૂરી છે, જે આપણા માટે મૂળભૂત છે, ફક્ત ઇંધણ પુરવઠા માટે જ નહીં પરંતુ ખાતરો માટે પણ,” મેલોનીએ કહ્યું.