દક્ષિણપૂર્વ બાંગ્લાદેશમાં એક હિન્દુ મંદિરના રખેવાળ તેના ઘરેથી ગુમ થયાના ત્રણ દિવસ પછી ઝાડ પર લટકતો મળી આવ્યો હતો, જેના કારણે એક લઘુમતી સંગઠને જવાબદારો સામે કડક કાર્યવાહીની માંગ કરી હતી. મૃતક, નયન સાધુ (૪૦), ચટ્ટોગ્રામ જિલ્લાના સ્થાનિયા ઉપજિલ્લા હેઠળના દોહઝારી વિસ્તારનો રહેવાસી હતો.
બાંગ્લાદેશ હિન્દુ બૌદ્ધ ખ્રિસ્તી એકતા પરિષદે જણાવ્યું હતું કે, તે કોક્સ બજાર સદર ઉપજિલ્લાના ખુરુશ્કુલ યુનિયનમાં શિવકાલી મંદિરમાં રખેવાળ-કમ-પૂજારી તરીકે સેવા આપી રહ્યો હતો.
બે અજાણ્યા માણસો નયન સાધુને લઈ ગયા
કોક્સ બજાર વિસ્તારમાં પોલીસ અને સ્થાનિક રહેવાસીઓના જણાવ્યા અનુસાર, ૧૯ એપ્રિલની સાંજે બે અજાણ્યા માણસો નયન સાધુને પોતાની સાથે લઈ ગયા. ત્રણ દિવસ પછી, તેનો મૃતદેહ ગામની સીમમાં એક પહાડી વિસ્તારમાં ઝાડ પર લટકતો મળી આવ્યો.
“અમે લાશ ત્યારે શોધી કાઢી જ્યારે તે સડવા લાગી હતી,” કાલેર કાંઠા અખબારે એક અનામી પોલીસ અધિકારીને ટાંકીને જણાવ્યું હતું.
પોલીસ હજુ સુધી ખાતરી કરી શકી નથી કે તે હત્યાનો કેસ હતો કે આત્મહત્યાનો, તેમણે જણાવ્યું હતું.
લઘુમતી જૂથ કડક કાર્યવાહીની માંગ કરે છે
એક નિવેદનમાં, કાઉન્સિલે તેની હત્યાના ગુનેગારો સામે કડક દંડાત્મક કાર્યવાહીની માંગ કરી છે. ફોરમે નિવેદનમાં જણાવ્યું હતું કે, “યુનિટી કાઉન્સિલે આ ઘટનાની સખત નિંદા કરી છે અને ગુનેગારો સામે તાત્કાલિક ધરપકડ અને ઉદાહરણરૂપ સજાની માંગ કરી છે.”
BHBCUC ના વરિષ્ઠ સભ્ય કાજલ દેબનાથે પીટીઆઈને જણાવ્યું હતું કે, “અમે સમજી શકતા નથી કે દૂરના વિસ્તારમાં પ્રમાણમાં નાના મંદિરના સામાન્ય રખેવાળની હત્યાનો હેતુ શું હોઈ શકે છે.”
બાંગ્લાદેશ પૂજા ઉજવણી પરિષદના કોક્સ બજાર એકમના મહાસચિવ જાેની ધરે જણાવ્યું હતું કે નયન ગુમ થયાના ત્રણ દિવસ પછી મૃતદેહ મળી આવ્યો હતો, જે દર્શાવે છે કે તેની હત્યા કરવામાં આવી હતી.
પોલીસે જણાવ્યું હતું કે મૃત્યુનું ચોક્કસ કારણ નક્કી કરવા માટે મૃતદેહને શબપરીક્ષણ માટે મોકલવામાં આવ્યો છે.
મૃતકની પત્ની દ્વારા ૧૯ એપ્રિલે દાખલ કરાયેલ ગુમ વ્યક્તિના અહેવાલ બાદ તપાસ શરૂ કરવામાં આવી હતી.
૯ એપ્રિલના રોજ, કાઉન્સિલે જણાવ્યું હતું કે આ વર્ષે બાંગ્લાદેશમાં ૧ જાન્યુઆરીથી ૩૧ માર્ચ દરમિયાન સાંપ્રદાયિક હિંસાના ૧૩૩ બનાવો બન્યા છે.