રાજ્ય સરકારે આજે 72 IAS અધિકારીઓની બદલીના આદેશો જાહેર કર્યા છે, જેમાં જામનગર જિલ્લાના બે ઉચ્ચ અધિકારીઓનો પણ સમાવેશ થાય છે. જામનગર મહાનગરપાલિકાના કમિશનર અને જિલ્લા વિકાસ અધિકારી (DDO)ની બદલી કરવામાં આવી છે.
જામનગર મહાનગરપાલિકાના કમિશનર ડી.એન. મોદીની ગાંધીનગર ખાતે બદલી કરવામાં આવી છે. તેમના સ્થાને દીપેશ કેડિયાને જામનગર મહાનગરપાલિકાના નવા કમિશનર તરીકે નિયુક્ત કરવામાં આવ્યા છે.
આ ઉપરાંત, જામનગર જિલ્લા વિકાસ અધિકારી અંકિત પન્નુની અમદાવાદ ખાતે નાયબ કમિશનર તરીકે બદલી થઈ છે. તેમની જગ્યાએ ભરૂચથી શ્રી નિશાને નવા DDO તરીકે જામનગરમાં નિમણૂક આપવામાં આવી છે.
રાજ્ય સરકારના આ બદલી આદેશોને કારણે જામનગરના વહીવટી તંત્રમાં મહત્વપૂર્ણ ફેરફારો જોવા મળ્યા છે. નવા નિયુક્ત અધિકારીઓ આગામી દિવસોમાં પોતાનો કાર્યભાર સંભાળશે તેવી અપેક્ષા છે.