ખાંભાના કોટડા ગામની સીમમાં વીજ લાઇનનું સમારકામ કરવા ગયેલા PGVCLના એક કર્મચારી પર હુમલો થયો છે. આ ઘટનામાં ઇજાગ્રસ્ત કર્મચારીને સારવાર માટે ખાંભાની સરકારી હોસ્પિટલમાં ખસેડવામાં આવ્યા હતા. હુમલો કરનાર શખ્સની ઓળખ થઈ ગઈ છે.
PGVCLના ઇલેક્ટ્રિક આસિસ્ટન્ટ એસ.વી. ડામોર પર આ હુમલો થયો હતો. ડામોરે જણાવ્યું કે તેમના પર ઢીકા-પાટુ અને લોખંડની પાઇપ વડે હુમલો કરવામાં આવ્યો હતો. આ હુમલો કોટડા ગામના રામકુભાઈ ઘુસાભાઈ ખાડક નામના શખ્સ દ્વારા કરવામાં આવ્યો હોવાનું સામે આવ્યું છે. હુમલા બાદ ઇજાગ્રસ્ત ડામોરને તાત્કાલિક સારવાર માટે ખાંભાની સરકારી હોસ્પિટલમાં દાખલ કરાયા હતા.
PGVCLના કર્મચારી દ્વારા આ મામલે પોલીસ ફરિયાદ નોંધાવવાની તજવીજ હાથ ધરવામાં આવી છે. ખાંભા પોલીસે કર્મચારીના નિવેદનોના આધારે વધુ તપાસ શરૂ કરી છે.