ઝારખંડમાં સક્રિય રહેલા અને ?૪૯ લાખનું ઈનામ ધરાવતા પાંચ મહિલાઓ સહિત આઠ માઓવાદીઓએ બુધવારે બીજાપુર પોલીસ સમક્ષ આત્મસમર્પણ કર્યું હતું.
પ્રતિબંધિત ભારતીય કમ્યુનિસ્ટ પાર્ટી (માઓવાદી) સાથે સંકળાયેલા તમામ શરણાગતિ સ્વીકારનારા કાર્યકરોએ છત્તીસગઢ સરકારની શરણાગતિ અને પુનર્વસન નીતિ હેઠળ શસ્ત્રો મૂક્યા હતા. ઝારખંડ પોલીસ અને સેન્ટ્રલ રિઝર્વ પોલીસ ફોર્સ ના સમર્થનથી શરણાગતિ સ્વીકારવામાં આવી હતી.
અધિકારીઓએ ભૂતપૂર્વ માઓવાદીઓના સફળ પુનર્વસન અને આદિવાસી વિસ્તારોમાં ચાલી રહેલા વિકાસ કાર્યોને પણ શરણાગતિનો શ્રેય આપ્યો હતો.
શરણાગતિ સ્વીકારનારાઓમાં ?૮ લાખનું ઈનામ ધરાવતું અશ્વિન ઉર્ફે લચ્છુ (૩૦), ?૮ લાખનું ઈનામ ધરાવતું રંગા ઉર્ફે સોહન (૩૦); અને ?૮ લાખનું ઈનામ ધરાવતું ડોબા માડવી ઉર્ફે રાહત (૨૫)નો સમાવેશ થાય છે.
અન્યમાં ફાગણી પોયમ ઉર્ફે રજની, સૂરજ મુન્ની ચંપિયા ઉર્ફે સુબની, હિદમે કડતી ઉર્ફે રીટા અને બુધરી કુંજમ ઉર્ફે અનુષાનો સમાવેશ થાય છે, જે બધા એરિયા કમિટી મેમ્બર (છઝ્રસ્) છે જેમના પર ?૫ લાખનું ઈનામ છે, ઉપરાંત સલ્મી ચંપિયા ઉર્ફે જીલાની, જેમના પર ?૫ લાખનું ઈનામ છે.
આત્મસમર્પણ કરનારા મોટાભાગના કેડર બીજાપુર જિલ્લાના વતની છે, જ્યારે એક નારાયણપુરનો અને બીજાે સુકમાનો છે, પરંતુ તેમને ઝારખંડમાં માઓવાદી સંગઠન દ્વારા તૈનાત કરવામાં આવ્યા હતા.
રાજ્યની શરણાગતિ અને પુનર્વસન નીતિ હેઠળ, ભૂતપૂર્વ માઓવાદીઓને સમાજમાં ફરીથી એકીકૃત થવા માટે નાણાકીય સહાય, કૌશલ્ય વિકાસ તાલીમ, રહેઠાણ, શિક્ષણ અને રોજગાર સહાય મળશે.