રાજ્યના વૈશાલી જિલ્લામાં પુલના નિર્માણ સ્થળ પર કોંક્રીટનો સ્લેબ અને બીમ લોન્ચર ધરાશાયી થતાં ઓછામાં ઓછા આઠ કામદારો ઘાયલ થયા હતા. આ ઘટના લાલગંજ વિસ્તારમાં નેશનલ હાઈવે ઓથોરિટી ઓફ ઈન્ડિયા (NHAI) ના NH-139W ફોર-લેન હાઈવે પ્રોજેક્ટ પર બની હતી, જેનું નિર્માણ ‘ભારતમાલા‘ યોજના હેઠળ કરવામાં આવી રહ્યું છે.
બે ઘાયલોની હાલત ગંભીર
અધિકારીઓના જણાવ્યા અનુસાર, પુલના નિર્માણ માટે વપરાતું લોન્ચર અચાનક ધરાશાયી થયું હતું, જેના કારણે ઘણા કામદારો ઘાયલ થયા હતા. ઘાયલોને તાત્કાલિક લાલગંજ રેફરલ હોસ્પિટલમાં લઈ જવામાં આવ્યા હતા, જ્યાં છ કામદારોની સારવાર કરવામાં આવી હતી. અન્ય બે કામદારોને ગંભીર ઈજાઓને કારણે વધુ સારવાર માટે અન્ય હોસ્પિટલમાં રિફર કરવામાં આવ્યા હતા.
“ઘાયલોને સારવાર માટે સરકારી હોસ્પિટલમાં લઈ જવામાં આવ્યા હતા. પીડિતોને સામાન્ય ઈજાઓ થઈ છે,” જિલ્લા મેજિસ્ટ્રેટ વર્ષા સિંહે જણાવ્યું હતું. તેમણે કહ્યું, “અધિકારીઓ ઘટનાસ્થળે હાજર છે અને મામલાની તપાસ કરવામાં આવી રહી છે.”
આ અકસ્માતને કારણે નિર્માણ સ્થળ પર અફરાતફરી મચી ગઈ હતી, ત્યારબાદ અધિકારીઓ અને પોલીસ ઘટનાસ્થળે પહોંચ્યા હતા. ધરાશાયી થવાનું કારણ જાણવા માટે તપાસ શરૂ કરવામાં આવી છે, જ્યારે નિર્માણ સ્થળ પર સુરક્ષા પ્રોટોકોલના પાલન અંગે પણ સવાલો ઉઠી રહ્યા છે.
ભારે લોખંડના માળખા નીચે વ્યક્તિ ફસાયો
એક યુવાન ભારે લોખંડના માળખા નીચે ફસાઈ ગયો હતો અને તેનો પગ તેની નીચે દબાઈ ગયો હતો. રાહત આપવાના પ્રયાસરૂપે, બચાવ કામગીરી દરમિયાન ત્યાં હાજર લોકો તેના માથા પર પાણી રેડતા જાેવા મળ્યા હતા. આખરે, તેને દબાવી રાખતી મશીનરીને કાપીને તેને મુક્ત કરવામાં આવ્યો હતો.
દ્ગૐછૈંનું નિવેદન
મીડિયા સૂત્રોના જણાવ્યા અનુસાર, નેશનલ હાઈવે ઓથોરિટી ઓફ ઈન્ડિયા (દ્ગૐછૈં) એ એક નિવેદનમાં કહ્યું છે કે આ ઘટના દ્ગૐ-૧૩૯ઉ પર પુલના નિર્માણ કાર્ય દરમિયાન લોન્ચરને ખસેડતી વખતે બની હતી.
તેમાં કહેવામાં આવ્યું છે કે, “આ ઘટનામાં પુલના માળખાને કોઈ નુકસાન થયું નથી.”
સત્તામંડળે ઉમેર્યું હતું કે તે ગુણવત્તાના ઉચ્ચતમ ધોરણો જાળવવા, નિર્માણ સ્થળોએ કામદારોની સુરક્ષા સુનિશ્ચિત કરવા અને નિર્ધારિત સમયમર્યાદામાં પ્રોજેક્ટ્સ પૂર્ણ કરવા માટે પ્રતિબદ્ધ છે. તેણે કહ્યું કે ભવિષ્યમાં આવી ઘટનાઓને રોકવા માટે સુરક્ષા ધોરણો અને પ્રોટોકોલનું ‘કડકાઈથી પુન:મૂલ્યાંકન‘ કરવામાં આવી રહ્યું છે.
તેણે વધુમાં ઉમેર્યું, “દ્ગૐછૈં ગુણવત્તાના ઉચ્ચતમ ધોરણો જાળવવા, કાર્યસ્થળ પર કામદારોની સુરક્ષા સુનિશ્ચિત કરવા અને નિર્ધારિત સમયમર્યાદામાં બાંધકામ પૂર્ણ કરવા માટે સંપૂર્ણપણે પ્રતિબદ્ધ છે. ભવિષ્યમાં આવી ઘટનાઓનું પુનરાવર્તન અટકાવવા માટે, સુરક્ષા ધોરણો અને પ્રોટોકોલનું કડકાઈથી પુન:મૂલ્યાંકન કરવામાં આવી રહ્યું છે.”