જામનગરમાં સ્વર્ગસ્થ જ્યોત્સ્નાબેન ભુપતભાઈ વ્યાસની ચોથી પુણ્યતિથિ નિમિત્તે એક ધાર્મિક કાર્યક્રમ યોજાયો હતો. હરિતભાઈ વ્યાસ પરિવારે તેમના આત્માની શાંતિ માટે સંગીતમય હનુમાન ચાલીસા પાઠ અને રામધૂનનું આયોજન કર્યું હતું. આ કાર્યક્રમ કાશી વિશ્વનાથ મંદિર સામે આવેલી દયાશંકર બ્રહ્મપુરીની વાડી ખાતે યોજાયો હતો.
આ આયોજનમાં સુપ્રસિદ્ધ સિતારામ ધૂન મંડળ દ્વારા મધુર સંગીતમય શૈલીમાં હનુમાન ચાલીસાના પાઠ અને રામધૂન રજૂ કરાયા હતા. આનાથી વાતાવરણ પવિત્ર અને શાંતિમય બન્યું. ઉપસ્થિત ભક્તજનોમાં ભક્તિભાવ પ્રસરી ગયો હતો.
કાર્યક્રમનો મુખ્ય હેતુ દિવંગત આત્માની શાંતિ માટે પ્રાર્થના કરવાનો હતો. વ્યાસ પરિવારના સભ્યો, સગાં-સ્નેહીઓ, મિત્રો અને સામાજિક અગ્રણીઓ સહિત મોટી સંખ્યામાં લોકો હાજર રહ્યા. સૌએ સ્વ. જ્યોત્સ્નાબેનને શ્રદ્ધાંજલિ આપી હતી.