જસદણમાં PGVCL સામે વળતર ન ચૂકવવા બદલ કોર્ટે કાર્યવાહી કરી છે. 2019માં વીજ કરંટથી લીલાપુરના હિતેશ ખીમજી રામાણીનું મોત થયું હતું. તેમના પરિવારે વળતર માટે જસદણ કોર્ટમાં દાવો કર્યો હતો.
લાંબા સમયથી વળતર ન મળતાં કોર્ટે PGVCLની મિલકતો જપ્ત કરવા વોરંટ કાઢ્યું છે. જસદણ કોર્ટે 22 જાન્યુઆરી, 2026ના રોજ પરિવારને 58.77 લાખ રૂપિયા વળતર ચૂકવવા આદેશ આપ્યો હતો. વ્યાજ સાથે આ રકમ હવે 96.24 લાખ રૂપિયા થઈ છે.
આદેશ મુજબ, જો વળતર નહીં ચૂકવાય તો PGVCLની કચેરીઓની મિલકતો જપ્ત થઈ શકે છે અને કચેરીઓ સીલ પણ થઈ શકે છે. આ કાર્યવાહીથી જસદણ PGVCL તંત્રમાં ચર્ચા જાગી છે.
બીજી તરફ, PGVCLના કાર્યપાલક ઈજનેર ભગીરથસિંહ આહિરે જણાવ્યું કે, 2018ના એક કેસમાં હાઈકોર્ટમાં અપીલ ચાલી રહી છે. તેમને મિલકત જપ્તીની કોઈ સત્તાવાર જાણકારી મળી નથી. હાઈકોર્ટના નિર્ણય મુજબ આગળ કાર્યવાહી થશે.