મુંબઈ
ફિલ્મોમાં એક્શન સીન્સ અને દિલધડક સ્ટન્ટ કરનારો વિદ્યુત જામવાલ રીયલ લાઈફમાં પણ તેટલો જ બહાદુર છે. પોતાને દુનિયાના શ્રેષ્ઠ માર્શલ આર્ટિસ્ટ પૈકી એક ગણાવનારા વિદ્યુતનું માનવું છે કે, તેના જેટલું માર્શલ આર્ટ એક્સપર્ટ અન્ય કોઈ એક્ટર નથી. એક્શન સ્ટાર હોઈ શકે છે, પરંતુ માર્શલ આર્ટમાં પોતે જ શ્રેષ્ઠ છે. વિદ્યુતની દરેક ફિલ્મમાં ભરપૂર એક્શન હોય છે. તેની અપકમિંગ ફિલ્મ ખુદા હાફિઝ ૨ છે, જે જુલાઈ મહિનામાં રિલીઝ થવાની છે. આ ફિલ્મના ડાયરેક્ટર ફારુક કબીરે જણાવ્યું હતું કે, લખનઉમાં ખુદા હાફિઝઃ ચેપ્ટર ૨ અગ્નિ પરીક્ષાનું શૂટિંગ ચાલતુ હતું. રોમેન્ટિક સીન શૂટ કરવાનો હતો અને અચાનક વિદ્યુત જામવાલ ફિલ્મના કેરેક્ટરમાં ઊંડો ઉતરી ગયો. શરૂઆતમાં તો તેને ખબર જ ન પડી કે તે બેભાન થયો છે. ફિલ્મની ટીમને શરૂઆતમાં તો આ એક્ટિંગ જ લાગી, પણ પછી વિદ્યુત ભાનમાં આવ્યો ત્યારે હાશ થઈ. ભાનમાં આવ્યા પછી વિદ્યુત જામવાલને ડિરેક્ટરે પૂછ્યુ કે શું થયું હતું? પણ, વિદ્યુતે કહ્યું કે તેને કંઈ જ ખબર નથી. શૂટિંગ રોકવાની વાત પણ કરી હતી. જાે કે વિદ્યુત જામવાલ મોડું કરવા ન હતો માગતો. તબિયત સારી લાગતાની સાથે જ તે શૂટિંગ પર પાછો આવી ગયો હતો. આ ફિલ્મમાં વિદ્યુતની સાથે શિવાલિકા ઓબેરોય છે અને આઠમી જુલાઈએ તે થીયેટરમાં રિલીઝ થવાની છે.
