ભરત ગંગદેવ
અમરેલી, તા.૦૬ દિવ્યાંગ હોય તેવા કર્મચારીઓ, સ્વરોજગાર કરતા વ્યક્તિઓ તથા તેમને કામે રાખતા નોકરીદાતાઓ અને પ્લેસમેન્ટ ઓફિસરને પ્રોત્સાહિત કરવાના હેતુથી પ્રતિ વર્ષ દિવ્યાંગ પારિતોષિક આપવામાં આવે છે. વર્ષ-૨૦૨૨ની દિવ્યાંગ પારિતોષિક સ્પર્ધામાં ભાગ લેવા માંગતા ઉમેદવારો આગામી તા.૧૯ સપ્ટેમ્બર,૨૦૨૨ સુધી આ પારિતોષિક સ્પર્ધા માટેના ફોર્મ ઓનલાઈન ડાઉનલોડ કરી શકે છે. ઉમેદવારો અરજી માટેનો નિયત નમૂનો રોજગાર ખાતાની વેબસાઈટ www.talimrojgar.gujarat.gov.in પરથી આ ફોર્મ ડાઉનલોડ કરી શકે છે અથવા જિલ્લા રોજગાર વિનિમય કચેરી, અમરેલી બહુમાળી ભવન, સી-બ્લોક પહેલા માળે, અમરેલી પરથી પણ મેળવી શકે છે. વધુ વિગતો માટે કોલ સેન્ટર નં.૬૩૫૭૩૯૦૩૯૦ પર સંપર્ક કરવો, તેમ અમરેલી જિલ્લા રોજગાર અધિકારીશ્રીની એક યાદીમાં જણાવવામાં આવ્યું છે.