પંચમહાલ
ગોધરા તાલુકામાં આવેલ જીતપુરા ગામપંચાયતમાં ફરિયાદીએ સરકારી ખરાબાની જમીનના પાંચ ગૂંઠા નામે કરવા માટે જીતપુરા ગામપંચાયતના સરપંચને કહ્યું હતું. જેથી સરપંચે સરકારી ખરાબાની જમીન નામે કરવા માટે ૨૫ હજાર રૂપિયાની માગણી કરી હતી. જે સંદર્ભે ફરિયાદીએ ગોધરા એસીબી ઓફિસે જાણ કરી હતી. જેથી ગોધરા એસીબી ઓફીસના પીઆઇએ છટકું ગોઠવી જીતપુરા ગામ પંચાયતના મહિલા સરપંચ અને તેના પતિને ૧૦ હજાર રૂપિયાની લાંચ લેતાં ઝડપી પાડી વધારે તપાસ હાથ ધરી હતી. આ બનાવની પ્રાપ્ત વિગત અનુસાર ગોધરા તાલુકાના જીતપૂરા ગામે રહેતા ફરિયાદી પંચાયતની સરકારી જમીનમાં વસવાટ કરતા હતા. જેથી આ સરકારી જમીનના પાંચ ગૂંઠા નામે કરવા માટે ગામના સરપંચ સવિતાબેન કાળુભાઈ પટેલને કહ્યું હતું. જેથી સરપંચના પતિ કાળુભાઈ કાન્તીભાઈ પટેલે ફરિયાદી પાસે પંચાયતી સરકારી ખરાબાની જમીન નામે કરવા માટે ૨૫ હજાર રૂપિયાની માંગણી કરી હતી. જેથી ફરિયાદીએ ગોધરા લાંચરુશવત વિરોધી બ્યૂરો પોલીસ ઇન્સ્પેક્ટરને ફરિયાદ કરી હતી. આ ફરિયાદના આધારે એસીબી કચેરીના પીઆઈ જે આર ગામીત અને તેમના સ્ટાફના માણસોએ છટકું ગોઠવ્યું હતું. જેથી આ કામના ફરિયાદીએ સરપંચ સવિતાબેન કાળુભાઈ પટેલને દસ હજાર રૂપિયા રૂપિય આપવાનું નક્કી કર્યું હતું. જેથી સરપંચે ૧૦ હજાર રૂપિયાની લાંચ લેતા એસીબીના રંગેહાથે ઝડપાઇ ગયા હતા. જેથી એસીબીના પીઆઈ જે આર ગામીતે જીતપુરા ગામપંચાયતના સરપંચ સવિતાબેન કાળુભાઈ પટેલ અને કાળુભાઈ કાન્તિભાઇ પટેલને ઝડપી પાડી વધારે તપાસ હાથ ધરી હતી.
