મુંબઇ
મહારાષ્ટ્ર સરકારે દેશની સૌથી ધનિક મ્યુનિસિપલ કોર્પોરેશન મ્સ્ઝ્રના કામકાજમાં ગેરરીતિઓને લઈને મોટો આદેશ જાહેર કર્યો છે. મહારાષ્ટ્ર સરકારે છેલ્લા બે વર્ષથી બીએમસીના કામની સીએજી તપાસ કરાવવાનો આદેશ જાહેર કર્યો છે. વાસ્તવમાં, છેલ્લા બે વર્ષમાં રાજ્યમાં ઉદ્ધવ ઠાકરેની સરકાર હતી અને બીએસસીમાં પણ શિવસેના સત્તામાં હતી. ભાજપ દ્વારા મોટા ભ્રષ્ટાચારના આરોપો બાદ સરકારે આ પગલું ભર્યું છે. ભાજપ દ્વારા એવો આક્ષેપ કરવામાં આવ્યો છે કે કોરોનાના સમયગાળા દરમિયાન કોવિડ કેન્દ્રોના વિતરણ, તેના માટે વસ્તુઓની ખરીદી અને દવાઓની ખરીદીમાં મોટા પાયે ભ્રષ્ટાચાર થયો હતો. ભાજપનો આરોપ છે કે આ તમામ બાબતોમાં બીએમસીના અધિકારીઓ દ્વારા મોટા પાયે ભ્રષ્ટાચાર થયો હતો. ત્યારબાદ મહારાષ્ટ્રની એકનાથ શિંદે સરકારે સીએજી દ્વારા તેની તપાસ કરાવવાના આદેશ આપ્યા છે. સરકાર દ્વારા જાહેર કરવામાં આવેલા આદેશમાં કેગને આ મામલાની વહેલી તકે તપાસ કરવા અને રિપોર્ટ સબમિટ કરવા માટે કહેવામાં આવ્યું છે, જેથી વહેલી તકે દોષિતો સામે કડક કાર્યવાહી કરી શકાય. નોંધનીય છે કે છેલ્લા બે વર્ષમાં રાજ્યમાં ઉદ્ધવ ઠાકરેની સરકાર હતી, જ્યારે બીએમસીમાં શિવસેના સત્તામાં હતી.
