નવીદિલ્હી
રાજસ્થાનના કોંગ્રેસના નેતા ચર્મેશ શર્મા દ્વારા દાખલ કરવામાં આવેલી અરજીમાં કહેવામાં આવ્યું છે કે- દેશભરમાંથી ૧૮ થી ૨૦ હજાર ભારતીય વિદ્યાર્થીઓ અભ્યાસ માટે યુક્રેનની વિવિધ યુનિવર્સિટીઓમાં ગયા છે. તેમના જીવન સાથે જાેડાયેલા આ ગંભીર મુદ્દા પર ભારત સરકાર દ્વારા હજુ સુધી કોઈ પગલાં લેવામાં આવ્યા નથી. રાજસ્થાનના એક હજાર જેટલા વિદ્યાર્થીઓ પણ યુક્રેનમાં હાજર છે. મોટાભાગના ભારતીય વિદ્યાર્થીઓ પશ્ચિમ યુક્રેનમાં રહે છે, જ્યારે પૂર્વ સરહદ પર તણાવની સ્થિતિ છે. યુક્રેનમાં અભ્યાસ કરતા ભારતીય વિદ્યાર્થીઓના જણાવ્યા અનુસાર, ભારતમાં મેડિકલ કોલેજાેમાં લગભગ ૮૮ હજાર સીટો છે, જ્યારે ૮ લાખથી વધુ બાળકો પરીક્ષા આપે છે. તેની સરખામણીમાં યુક્રેનમાં એડમિશન આસાનીથી મળી રહે છે, જેના કારણે બાળકો આ તરફ વળે છે. જાે બાઇડન અને યુક્રેનના રાષ્ટ્રપતિ વોલોડીમિર ઝેલેન્સકીએ પણ વધતા તણાવ વચ્ચે ફોન પર વાત કરી હતી. બંને રાજ્યોના વડાઓ યુક્રેન સંકટના ઉકેલ માટે રાજદ્વારી પ્રયાસો ચાલુ રાખવા સંમત થયા હતા. જાે બાઇડને કહ્યું- યુક્રેનની સાર્વભૌમત્વ અને પ્રાદેશિક અખંડિતતાને જાળવી રાખવા માટે અમેરિકા સંપૂર્ણપણે પ્રતિબદ્ધ છે. કોઈ પણ કોઈપણ સંભવિત રશિયન હુમલાનો મિત્ર દેશો સાથે મળીને ઝડપી અને નિર્ણાયક જવાબ આપવામાં આવશે. રાષ્ટ્રપતિ બાઇડનના રાષ્ટ્રીય સુરક્ષા સલાહકાર, જેક સુલિવને ચેતવણી આપી હતી કે રશિયા કોઈપણ સમયે હુમલો કરી શકે છે. સુલિવને કહ્યું – જે રીતે તેણે તેની સેના તૈયાર કરી છે અને જે રીતે તેણે વસ્તુઓ બદલી છે, તે સ્પષ્ટ છે કે તે ટૂંક સમયમાં મોટી સૈન્ય કાર્યવાહી કરશે. રશિયાના વિદેશ મંત્રાલયના પ્રવક્તા મારિયા ઝખારોવાએ વળતો પ્રહાર કરતા કહ્યું કે અમેરિકન રાજકારણીઓ જૂઠું બોલ્યા છે, જૂઠું બોલે છે અને જૂઠું બોલતા રહેશે. રશિયન હુમલાના પગલે કેટલીક આંતરરાષ્ટ્રીય એરલાઈન્સે પણ યુક્રેનની ફ્લાઈટ્સ સ્થગિત કરી દીધી હતી. ઘણા દૂતાવાસોએ કિવમાંથી તેમના બિનજરૂરી સ્ટાફને પાછો ખેંચી લીધો છે. અમેરિકા બાદ અન્ય ઘણા દેશોની સરકારો તેમના નાગરિકોને યુક્રેન છોડવાની અપીલ કરી રહી છે. જર્મની, ઈટલી, બ્રિટન, આયર્લેન્ડ, બેલ્જિયમ, લક્ઝમબર્ગ, નેધરલેન્ડ, કેનેડા, નોર્વે, એસ્ટોનિયા, લિથુઆનિયા, બલ્ગેરિયા, સ્લોવેનિયા, ઓસ્ટ્રેલિયા, જાપાન, ઈઝરાયેલે પણ પોતાના નાગરિકોને યુક્રેન છોડવાની અપીલ કરી છે. આ સાથે સાઉદી અરેબિયા અને સંયુક્ત આરબ અમીરાતે પણ તેમના નાગરિકોને યુક્રેન છોડવા વિનંતી કરી છે. ફ્રાન્સે તેના નાગરિકોને યુક્રેન છોડવા તો નથી કહ્યું છે પરંતુ તેમને ઉત્તર અને પૂર્વીય યુક્રેનના સરહદી વિસ્તારોમાં મુસાફરી ન કરવાની સલાહ આપી છે. આ સાથે જ યુક્રેનની સરહદ નજીક આવેલા રોમાનિયાએ પોતાના નાગરિકોને દેશમાં પ્રવાસ કરવાનું ટાળવા કહ્યું છે. આ સાથે જ તેના નાગરિકોની ત્યાં રહેવાની જરૂરિયાત પર ગંભીરતાથી વિચાર કરવાનું કહેવામાં આવ્યું છે.
