નવીદિલ્હી
કેન્દ્રીય રેલ્વે અને આઈટી મંત્રી અશ્વિની વૈષ્ણવે કહ્યું કે દેશમાં ૫જી સેવાઓ ખૂબ જ જલ્દી શરૂ થશે. તેમણે કહ્યું કે વ્યવહારીક રીતે ૨ વર્ષની અંદર ૫જી સેવાઓ સમગ્ર દેશમાં આવરી લેવામાં આવશે. આ માટે તમારે એક લક્ષ્ય સાથે કામ કરવું પડશે. વપરાશકર્તાઓને ઝડપી ઇન્ટરનેટ સેવા મળવાનું શરૂ થશે. અશ્વિની વૈષ્ણવે કહ્યું કે ૫જી માટે લગભગ ડોલરમાં ગણીએ તો ૩૫ બિલિયનનું રોકાણ કરવામાં આવ્યું છે. અશ્વિની વૈષ્ણવે કહ્યું કે ડિજિટલ હેલ્થ ઈનિશિએટિવ પહેલ બધા માટે ઉપલબ્ધ હશે. આરોગ્ય ડેટા સૌથી સંવેદનશીલ ડેટામાંનો એક છે. અમારે સુનિશ્ચિત કરવું પડશે કે અમે એક મજબૂત નિયમનકારી માળખું સ્થાપિત કર્યું છે જેમાં ડેટા શેર કરનાર કોઈપણને ખાતરી આપવામાં આવે છે કે ડેટા સંપૂર્ણપણે સુરક્ષિત રહેશે. અમે ખૂબ જ વ્યાપક ડિજિટલ કાયદાકીય માળખા તરફ આગળ વધી રહ્યા છીએ.
