ગુજરાત સરકારનાં યુવક સેવા અને સાંસ્કૃતિક પ્રવૃત્તિઓ ગાંધીનગર દ્વારા અને જિલ્લા વહીવટી તંત્ર જામનગરની રાહબરી હેઠળ તેમજ જિલ્લા યુવા વિકાસ અધિકારી, જીલ્લા રમત ગમત કચેરી જામનગર દ્વારા આ વર્ષે પણ કલા મહાકુંભનું જામનગર શહેરની ઝોનકક્ષા અને શહેરકક્ષાએ આયોજન થનાર છે. જેમાં રજીસ્ટ્રેશન (ઓફ લાઈન) ફોર્મ ભરવાની છેલ્લી તા. ૦૬/૦૧/૨૦૨૨ છે.આ માટે જામનગર શહેરની ઝોન કક્ષાએથી શરૂ થતી ઝોન-૩,ઝોન-૫ અને ઝોન-૬ની સમૂહગીત, ગરબા, લોકનૃત્ય, રાસ, વકતૃત્વની સ્પર્ધા તા.૦૯/૦૧/૨૦૨૨ના રોજ ટાઉનહોલ,જામનગર ખાતે તેમજ એકપાત્રીય અભિનય, ભરતનાટ્યમ, ચિત્રકલા અને નિબંધની સ્પર્ધા તા.૧૦/૦૧/૨૦૨૨ના ટાઉનહોલ,જામનગર ખાતે તથા ઝોન-૧,ઝોન-૨ અને ઝોન-૪ની સમૂહગીત, ગરબા, લોકનૃત્ય, રાસ, વકતૃત્વની સ્પર્ધા તા.૧૧/૦૧/૨૦૨૨ના રોજ સત્યસાંઈ વિદ્યાલય,જામનગર ખાતે તેમજ એકપાત્રીય અભિનય, ભરતનાટ્યમ,ચિત્રકલા અને નિબંધની સ્પર્ધા તા.૧૨/૦૧/૨૦૨૨ના સત્યસાંઈ વિદ્યાલય,જામનગર ખાતે યોજાનાર છે.જેથી ઝોન કક્ષાની સ્પર્ધામાં ભાગ લેનાર કલાકારોએ ઉક્ત તારીખના રોજ સવારે ૮:૩૦ કલાકે રીપોટીંગ કરવાનું રહેશે.
જામનગર શહેર-જીલ્લાકક્ષાની લોકનૃત્ય,ગરબા રાસ,સમુહગીત,કથ્થક,દુહા-છંદ-ચોપાઈ,સ્કુલબેન્ડ,સર્જનાત્મક કારીગરીની સ્પર્ધા તા.૧૬/૦૧/૨૦૨૨ના રોજ ટાઉનહોલ,જામનગર ખાતે ચિત્રકલા, વકતૃત્વ,લોકવાર્તાની સ્પર્ધા તા.૧૬/૦૧/૨૦૨૨ના રોજ વિભાજી હાઈસ્કૂલ,જામનગર ખાતે તેમજ એકપાત્રીય અભિનય,ભરત નાટ્યમની સ્પર્ધા તા.૧૭/૦૧/૨૦૨૨ના રોજ ટાઉનહોલ,જામનગર ખાતે અને નિબંધ,ગઝલ-શાયરી,કાવ્ય લેખન,ઓર્ગનની સ્પર્ધા તા.૧૭/૦૧/૨૦૨૨ના રોજ વિભાજી હાઈસ્કૂલ,જામનગર ખાતે યોજાનાર છે.જેથી શહેરકક્ષાની સ્પર્ધામાં ભાગ લેનાર કલાકારોએ ઉક્ત તારીખના રોજ સવારે ૮:૩૦ કલાકે રીપોટીંગ કરવાનું રહેશે. વધુ વિગત માટે કચેરીના ફોન નં-૦૨૮૮-૨૫૭૧૨૦૯ ઉપર સંપર્ક કરવાનો રહેશે તેમ જિલ્લા યુવા વિકાસ અધિકારી, જામનગરની યાદીમાં જણાવાયું છે.