સમગ્ર શિક્ષા કચેરી બોટાદ અને બી.આર.સી.ભવન રાણપુર દ્વારા તાલુકા કક્ષાનાં ટી.એલ.એમ.વર્કશોપનુ આયોજન ગઢીયા ગામે પ્રાથમિક શાળાામાં કરવામાં આવેલ. જેમાં તાલુકાની જુદી જુદી શાળાનાં ૧૧ શિક્ષકો દ્વારા ધોરણ ૧/૨ માં સરકાર તરફથી આપવામાં આવેલ સ્ટડી ટેબલ પર ગુજરાતી, ગણિત અને પર્યાવરણની અધ્યયન નિષ્પતિઓને ધ્યાનમાં રાખીને ઓઇલ પેઇન્ટ કલરથી ખુબ જ સરસ પાયાનાં શિક્ષણમાં ઉપયોગી અને ટકાઉ ટી.એલ.એમનું નિર્માણ કરવામાં આવેલ. ખાસ કરીને વાંચન,ગણન અને લેખનને વર્કશોપમાં મહત્વ આપવામાં આવેલ. આ તકે બોટાદ જિલ્લા સમગ્ર શિક્ષા કચેરીમાંથી અલ્તાફભાઇ મુગલ (P&Mo) તથા તાલુકા કેળવણી નિરીક્ષક કરણસિંહ લીંબોલા ઉપસ્થિત રહેલ. ગઢીયા પ્રા.શાળા આચાર્ય,સમગ્ર સ્ટાફ દ્વારા ખુબ જ સરસ સહકાર મળેલ. સી.આર
સી.કો.અશોકભાઇ જેજરીયા તથા બી.આ.સી.કો.રાઠોડ રમેશકુમાર દ્વારા સમગ્ર આયોજન કરવામાં આવેલ.
તસવીર-વિપુલ લુહાર,રાણપુર
