મુંબઈ
રજત કપૂરનો જન્મ ૧૧ ફેબ્રુઆરી ૧૯૬૧ના રોજ નવી દિલ્હીમાં થયો હતો. તેણે પોતાનો પ્રારંભિક અભ્યાસ દિલ્હીથી જ પૂર્ણ કર્યો છે. કારણ કે રજત કપૂરને નાનપણથી જ એક્ટિંગનો શોખ હતો. તેથી તેઓ સૌપ્રથમ થિયેટર સાથે જાેડાયા જેથી તેઓ અભિનયની બારીકાઈઓ શીખી શકે. અભિનય વિશે વધુ જાણવા માટે તેણે ફિલ્મ ટેલિવિઝન ઇન્સ્ટ્રીટયુટમાં એડમિશન લીધું હતું અને ત્યાં ઘણું શીખ્યા હતા. અભિનેતા રજત કપૂરે ૧૯૮૯માં આવેલી ફિલ્મ કાયલ ગાથાથી પોતાના ફિલ્મી કરિયરની શરૂઆત કરી હતી. આ ફિલ્મમાં તેમના શ્રેષ્ઠ અભિનય માટે તેમને ફિલ્મફેર ક્રિટિક્સ એવોર્ડથી પણ સન્માનિત કરવામાં આવ્યા છે. વર્ષ ૧૯૯૦થી તેણે ફિલ્મોમાં અભિનય અને દિગ્દર્શન ક્ષેત્રે પગ મૂક્યો. તેમણે તેમની ફિલ્મી કારકિર્દીમાં ઘણી શાનદાર ફિલ્મોમાં અભિનય કર્યો, જેમાં એજન્ટ વિનોદ, કિસના, કોર્પોરેટ, યે ક્યૂં હોતા હૈ, દૃષ્ટિમ મિડનાઈટ ચિલ્ડ્રન જેવી ફિલ્મોનો સમાવેશ થાય છે. રજત કપૂરની પહેલી દિગ્દર્શિત ફિલ્મ ‘રઘુ રોમિયો’ હતી. આ ફિલ્મ વિશે એક રસપ્રદ કિસ્સો પણ છે. વાસ્તવમાં, રજત કપૂર પાસે આ ફિલ્મ બનાવવા માટે પૈસા નહોતા. જેના માટે તેણે તેના તમામ મિત્રોને ઈમેલ મોકલવા પડ્યા. આ ફિલ્મ બનાવવા માટે તેણે જે પૈસા એકઠા કર્યા હતા તેને પરત કરવામાં તેને ત્રણ વર્ષથી વધુનો સમય લાગ્યો હતો. જાે કે, આ ફિલ્મ બોક્સ ઓફિસ પર તૂટી પડી હતી. પરંતુ એ પણ હકીકત છે કે આ ફિલ્મ માટે રજત કપૂરને બેસ્ટ ફીચર ફિલ્મનો નેશનલ એવોર્ડ મળ્યો હતો. રજત કપૂર સાથે જાેડાયેલો એક વિવાદ પણ સામે આવ્યો હતો જેમાં એક મહિલાએ ગેરવર્તનનો આરોપ લગાવ્યો હતો. વાસ્તવમાં એક પત્રકારે આરોપ લગાવ્યો હતો કે એક ઈન્ટરવ્યુ દરમિયાન રજત કપૂરે તેને કહ્યું હતું કે તેનો અવાજ જેવો સેક્સી છે, શું તે દેખાવમાં પણ આવો છે?રજત કપૂર આજે પોતાનો બર્થડે સેલિબ્રેટ કરી રહ્યો છે. રજત કપૂરને આજે કોઈ પરિચયની જરૂર નથી. આ બોલિવૂડ એક્ટર અને ડિરેક્ટરને દરેક વ્યક્તિ જાણે છે. એક સારા એક્ટર ઉપરાંત તે એક સારા દિગ્દર્શક પણ છે. રજત કપૂરે પોતાના કરિયરમાં ઘણી ફિલ્મોમાં કામ કર્યું છે. પરંતુ ખાસ કરીને તે આમિર ખાનની ફિલ્મ ‘દિલ ચાહતા હૈ’, ‘મોનસૂન વેડિંગ’ અને ‘ભેજા ફ્રાય’ જેવી ફિલ્મો માટે જાણીતા છે. આ તમામ ફિલ્મોમાં રજત કપૂરે પોતાના દમદાર એક્ટિંગથી લોકોના દિલ જીતી લીધા છે. આ એવી પણ કેટલીક ફિલ્મો રહી છે જેણે લોકોના દિલમાં સારી છાપ છોડી છે.
