મુંબઈ
મલયાલમ ફિલ્મોના સુપરસ્ટાર પૃથ્વીરાજ સુકુમારને રીસેન્ટલી એક ઈન્ટરવ્યૂ દરમિયાન જણાવ્યું હતું કે, તેઓ પ્રભાસની ફિલ્મ સાલારમાં આવી રહ્યા છે. બે વર્ષ પહેલા આ ફિલ્મ ઓફર થઈ હતી. ફિલ્મનું નેરેશન સાંભળતા જ પૃથ્વીરાજ તૈયાર થઈ ગયો હતો. દરમિયાન કોરોના પેન્ડેમિક નડ્યો અને ફિલ્મ વિલંબમાં મૂકાઈ. પ્રભાસ અને પ્રશાંતના કારણે સાલારમાં કામ કરવાની ઈચ્છા હતી, પરંતુ અન્ય કમિટમેન્ટ્સના કારણે ડેટ્સ મેચ થતી ન હતી. જાે કે પ્રભાસને પણ આ જ સમસ્યા હોવાથી સાલારમાં રોલ પાક્કો થયો છે. ડેટ્સ મામલે પૃથ્વીરાજ અને પ્રશાંત નીલ વચ્ચે મીટિંગ થઈ હતી. હવે ટૂંક સમયમાં પ્રભાસની સાથે પૃથ્વીરાજ પણ સાલારની ટીમમાં જાેડાઈ જશે. ઉલ્લેખનીય છે કે, મલયાલમ ફિલ્મોના સલમાન ખાન તરીકે પૃથ્વીરાજને ઓળખવામાં આવે છે. આમ, સાઉથના વધુ એક સ્ટારની હિન્દી ફિલ્મોમાં એન્ટ્રી પાકી થઈ છે. સાઉથના સુપર સ્ટાર પ્રભાસ અને શ્રુતિ હાસન સાલારમાં સાથે કામ કરી રહ્યા છે. કેજીએફ ફેમ પ્રશાંત નીલ તેને ડિરેક્ટ કરી રહ્યા હોવાથી ફિલ્મ અંગે ઘણી ઉત્સુકતા છે. જગતપતિ બાબુ જેવા ટોલિવૂડ સ્ટાર પહેલેથી જ આ ફિલ્મમાં હતા. હવે પ્રભાસની આ ફિલ્મમાં મલયાલમ ફિલ્મોના સ્ટાર પૃથ્વીરાજ સુકુમારનની એન્ટ્રી થવાની છે.
