મુંબઈ
સલમાન ખાનની પોપ્યુલારિટી અને હિટ ફિલ્મોની વણઝાર પર ક્યારેય બ્રેક વાગી નથી. સલમાન ખાને શાહરૂખની ફિલ્મ પઠાણમાં કેમિયો કર્યો હતો. આ ફિલ્મ રિલીઝ થવાને હજુ વાર છે, પરંતુ સલમાનનો કેમિયો ધરાવતી અન્ય એક ફિલ્મ ઓગસ્ટમાં રિલીઝ થઈ રહી છે. સલમાને રિતેશ દેશમુખની મરાઠી ફિલ્મમાં કેમિયો કર્યો છે. રિતેશ દેશમુખ ડિરેક્ટર તરીકે પહેલી ફિલ્મ બનાવી રહ્યા છે, જેમાં લીડ રોલ તેમના પત્ની જેનેલિયા ડિસોઝાનો છે. આ ફિલ્મથી જેનેલિયા પણ વર્ષો બાદ ફિલ્મોમાં કમબેક કરી રહી છે. આ ફિલ્મમાં સલમાનનો સ્પેશિયલ રોલ છે. રિતેશની ફિલ્મ વેેેદ ૧૨ ઓગસ્ટે રિલીઝ થવાની છે. આ ફિલ્મમાં જેનેલિયાની સાથે લીડ રોલમાં જીયા શંકર છે. જેનેલિયાની વાપસી અને રિતેશના ડેબ્યુને ઈમ્પ્રેસિવ બનાવવા માટે સલમાનની મદદ લેવાઈ છે.
