પંજાબ
પંજાબના લુધિયાણા જિલ્લામાં એક માથાફરેલ વ્યક્તિએ પોતાની વાસના સંતોષવા પાડોશીની જર્મન શેફર્ડ કૂતરી પર બળાત્કાર કર્યો હતો. લુધિયાણાના શિવપુરી વિસ્તારમાં આરોપીએ આ ઘટનાને અંજામ આપ્યો જ્યારે તેના પડોશીઓ કોઈના લગ્ન સમારોહમાં ગયા હતા. તકનો લાભ લઈને આરોપી વ્યક્તિ પાડોશીની દિવાલ કૂદીને ઘરમાં ઘુસ્યો. કૂતરી માલિકના ભત્રીજા ગુરજીત સિંહે આરોપ લગાવ્યો છે કે આરોપીએ કૂતરીનો પગ બાંધીને અને મોં બાંધીને બળાત્કાર કર્યો હતો. ગુરજીત સિંહે પોલીસને જણાવ્યું કે ઘટના બાદ તેણે આરોપીનો વીડિયો બનાવ્યો હતો. તેણે જણાવ્યું કે તેના કાકા કોઈના લગ્નમાં ગયા હતા અને તે સ્નાન કરવા ગયો હતો. ગુરજીતે કહ્યું કે આ દરમિયાન તેણે કૂતરીનો રડવાનો અવાજ સાંભળ્યો. તે બહાર આવ્યો ત્યારે અવાજાે આવતા બંધ થઈ ગયા. તેણે કહ્યું કે જ્યારે તે રૂમમાં પહોંચ્યો ત્યારે આરોપીએ કૂતરીના પગ બાંધી દીધા હતા અને તેની સાથે બળાત્કાર કરી રહ્યો હતો. જ્યારે આરોપીના પરિવારજનોને આ ઘટના વિશે જાણ કરવામાં આવી ત્યારે તેઓએ ઇનકાર કર્યો હતો કે તેમનો પુત્ર આવું કામ ન કરી શકે કારણ કે તે કૂતરીને પ્રેમ કરે છે. ગુરજીતે જણાવ્યું કે જ્યારે તે સ્થળ પર આરોપીનો વીડિયો બનાવી રહ્યો હતો ત્યારે તેણે તેની સાથે દલીલ કરવાનું શરૂ કરી દીધું હતું. તેની સામે આવેલા જાેખમને જાેઈને આરોપી રૂમમાંથી ભાગી ગયો. લોકોએ આરોપીને પકડી લીધો અને પોલીસને જાણ કર્યા બાદ તેની ધરપકડ કરવામાં આવી છે. આ ઘટના બાદ હેલ્પ ફોર એનિમલ સ્વયંસેવક સંસ્થાએ પણ આરોપીઓ સામે કડક કાર્યવાહીની માંગ કરી છે. સંગઠનનું કહેવું છે કે આરોપીએ મુંગા પ્રાણીઓ પર અત્યાચાર ગુજાર્યો છે અને પોલીસે ઊંડી તપાસ કરવી જાેઈએ કે શું આરોપી પહેલા પણ મુંગા પશુઓ પર અત્યાચાર કરતો હતો?
