વોશિગ્ટન
પોપસિંગર શકિરા પર્સનલ લાઈફના કારણે પાછલા કેટલાક દિવસોથી ચર્ચામાં છે. શકિરાએ બોય ફ્રેન્ડ ગેરાર્ડ પિક સાથેના વર્ષો જૂના રિલેશનશિપનો અંત લાવી દીધો છે. સ્પેનનો ફૂટબોલર ગેરાર્ડ પિક અન્ય મહિલાને ડેટ કરતો હોવાથી સેપરેશન થયુ હોવાનું કહેવાય છે. શકિરાએ સેપરેશન એનાઉન્સ કર્યા બાદ હવે નવા ન્યૂઝ આવ્યા છે. જે મુજબ શકિરાને કોઈ લવ લેટર્સ લખીને પરેશાન કરી રહ્યું છે. શકિરાએ આ મામલે પોલીસ ફરિયાદ પણ નોંધાવી છે. શકિરાને સંખ્યાબંધ લવ લેટર્સ મોકલીને કોઈ વ્યક્તિ મેરેજ કરવા કહી રહ્યો છે. શકિરાને એક્સ બોય ફ્રેન્ડ ગેરાર્ડ પર શંકા છે. તેનું માનવું છે કે, ગેરાર્ડ જ આ બધું કરાવી રહ્યો છે. શકિરાને આ મહિનાની શરૂઆતથી લેટર્સ મળવાના શરૂ થયા હતા. પોલીસ તપાસમાં બહાર આવેલી વિગતો મુજબ, લેટર્સ મોકલનાર ઈસમ રશિયાનો છે. શકિરાની ઉંમર ૪૫ વર્ષની છે અને ગેરાર્ડ પિક ૩૫ વર્ષનો છે. બંને વચ્ચે પહેલી મુલાકાત ૨૦૧૦ના વર્ષમાં ફિફા વર્લ્ડ કપ દરમિયાન થઈ હતી. ૧૨ વર્ષના રિલેશનશિપ દરમિયાન તેમણે બે બાળકોને જન્મ આપ્યો હતો. મેરેજ વગર વર્ષો સુધી સાથે રહ્યા બાદ શકિરાએ બ્રેકઅપ એનાઉન્સ કર્યુ હતું.
