અમેરિકા
અમેરિકી રાષ્ટ્રપ્રમુખ જાે બાઇડને અમેરિકા નેવીના અનુભવી માર્ક ફ્રેરિચ્સની મુક્તિ માટે હાકલ કરી હતી, જેમને લગભગ બે વર્ષ પહેલાં અફઘાનિસ્તાનમાં તાલિબાન દ્વારા બંધક બનાવવામાં આવ્યા હતા. બાઈડને એક નિવેદનમાં કહ્યું, ‘માર્કે અફઘાનિસ્તાનના લોકોની મદદ કરવામાં એક દાયકા વિતાવ્યા છે. તેણે કંઈ ખોટું કર્યું નથી અને છતાં બે વર્ષથી તેને તાલિબાનો દ્વારા બંદી બનાવીને રાખવામાં આવ્યો છે. માર્ક ઈલિનોઈસનો વતની છે. તેનો એક પુત્ર, એક ભાઈ અને પરિવાર તેની સલામતી માટે પ્રાર્થના કરી રહ્યા છે અને વિચારે છે કે તે ક્યાં અને કેવી રીતે છે. બાઇડને કહ્યું કે બંધક બનાવવું એ ખાસ કરીને “ક્રૂરતા અને કાયરતા” નું કાર્ય છે. અમેરિકન લોકો અથવા કોઈપણ નિર્દોષ નાગરિકોની સલામતી માટે ધમકીઓ હંમેશા અસ્વીકાર્ય છે અને બંધક બનાવવું એ ચોક્કસ ક્રૂરતા અને કાયરતાનું કૃત્ય છે. તાલિબાને માર્કને કાયદેસરતા માટેની તેમની આકાંક્ષાઓને ધ્યાનમાં લેતા પહેલા તેને તરત જ મુક્ત કરવો જાેઈએ. આ વાત વાટાઘાટોને લાયક નથી. બાઇડને બંધક બનેલા લોકોના પરિવાર અને મિત્રોને વચન આપ્યું છે કે જ્યાં સુધી માર્ક અને વિદેશમાં બંધક બનેલા અમેરિકાના લોકોને ઘરે પાછા લાવવામાં ન આવે ત્યાં સુધી તેમનું વહીવટીતંત્ર આરામ કરશે નહીં. તેમની સરકાર સતત પ્રયાસો કરી રહી છે. તાલિબાને ગયા વર્ષે ૧૫ ઓગસ્ટે કાબુલ પર કબજાે કર્યો હતો અને ત્યારથી દેશ ગહન આર્થિક, માનવતાવાદી અને સુરક્ષા સંકટ સાથે ઝઝૂમી રહ્યો છે.
