મુંબઈ
આ ફિલ્મ માટે કિયારાને ૪ કરોડની ફી મળશે, જ્યારે કાર્તિકના ગીત પર ૭ કરોડો ખર્ચ થયો કાર્તિક આર્યન અને કિયારા અડવાણીની જાેડી ફરી એક વાર ફિલ્મમાં જાેવા મળશે. ‘સત્યપ્રેમ કી કથા’નું પ્રમોશન પૂર જાેશમાં ચાલી રહ્યું છે અને આ રોમેન્ટિક કોમેડીની ઓડિયન્સ રાહ જાેઈ રહ્યું છે. થોડા સમય પહેલાં ફિલ્મનું શૂટિંગ પૂરું થયું છે ત્યારે પ્રોડક્શનને લગતી ઈન્ટ્રેસ્ટિંગ માહિતી બહાર આવી છે. રિપોર્ટ્સ મુજબ, ફિલ્મના એક ગીત માટે પાણીની જેમ પૈસો વહેવડાવ્યો છે. કાર્તિકના આ ગીત માટે મેકર્સે કિયારાની ફી કરતાં વધુ ખર્ચ કર્યો હોવાનું કહેવાય છે. રિપોર્ટ મુજબ, ‘સત્યપ્રેમ કી કથા’માં એક ઈન્ટ્રોડક્ટરી સોન્ગ રખાયું છે. આ સોન્ગ વેડિંગની થીમ પર છે. તેમાં ગુજરાતી, સાઉથ ઈન્ડિયન, મુસ્લિમ અને ખ્રિસ્તિ લગ્ન બતાવાયા છે. આ ગીત માટે ચાર અલગ-અલગ વેડિંગ સેટ લગાવવામાં આવ્યા હતા. કહેવાય છે કે, કાર્તિક આર્યનના કહેવાથી આ એક ગીત માટે મેકર્સે તોતિંગ ખર્ચ કર્યો હતો. આ ગીતના શૂટિંગ પાછળ થયેલા ખર્ચ કરતાં કિયારાની ફી ઓછી હતી. કિયારા અડવાણીને ‘સત્યપ્રેમ કી કથા’ માટે રૂ.ચાર કરોડની ફી મળી છે, જ્યારે કાર્તિકને રૂ.૨૫ કરોડ ચૂકવાયા છે. કાર્તિક અને કિયારા અગાઉ ભૂલ ભુલૈયા ૨માં સાથે જાેવા મળ્યા હતા. પહેલી ફિલ્મ સુપરહિટ રહ્યા બાદ આ જાેડી ‘સત્યપ્રેમ કી કથા’માં સાથે જાેવા મળશે. આ ફિલ્મ ૨૯ જૂને થીયેટરમાં રિલીઝ થવાની છે.
