હે રામ હવે કેવા દિવસો આવ્યા છે. ભર શિયાળે ઉનાળા જેવો માહોલ. લોકોને પંખા અને એ.સી.ચાલુ કરવા પડે એવો પ્રખર તાપ. આમ તો હજુ પોષ માસ જ છે હજુ શિયાળાની ઋતુના દોઢેક મહિના જેવો સમય બાકી છે ત્યારે રાત્રે પણ જોઈએ તેવી ઠંડી તો નથી પડતી..!! હા ભરશિયાળે ઉનાળાનો અહેસાસ જરૂર થાય છે.!! એનો અર્થ હવે એ પણ થઈ શકે કે ઋતુ ચક્રમાં હવે શિયાળાના દિવસો ટૂંકાતાં બે અઢી માસ જ ગણવા રહ્યાં..!! ભવિષ્યની દ્રષ્ટિએ આ બદલાતી પર્યાવરણીય પેટર્ન કોઈ ગંભીર અણસાર તો નથી આપી રહીને?
