અમદાવાદમાં રાષ્ટ્રીય એકતા અને સુરક્ષાની ભાવના સાથે તિરંગા યાત્રાનું આયોજન કરવામાં આવ્યું હતું. આ યાત્રામાં શુભમ ગ્રુપ ઓફ ઇન્સ્ટિટ્યૂટના ડિરેક્ટર ડૉ. પ્રહલાદભાઈ પરમાર અને દેવીબેન પરમારે ભાગ લીધો હતો.
શુભમ શાન્તમ અને સોહમ કોલેજના વિદ્યાર્થીઓએ પણ યાત્રામાં ઉત્સાહપૂર્વક ભાગ લીધો હતો. કલાપીનગરના નાગરિકો પણ મોટી સંખ્યામાં યાત્રામાં જોડાયા હતા.
યાત્રામાં વિવિધ સંસ્થાઓના પ્રતિનિધિઓ, નાગરિકો અને પદાધિકારીઓની નોંધપાત્ર હાજરી જોવા મળી હતી. આ યાત્રા ભારતીય સેનાના “ઓપરેશન સિંદૂર”ને બિરદાવવા માટે યોજવામાં આવી હતી, જે દેશની સુરક્ષા અને અખંડતા માટેનું એક મહત્વનું પગલું છે.
