ગુજરાત વિજ્ઞાન સંમેલન 2025 અંતર્ગત વડનગરની શ્રી વિવેકાનંદ વિદ્યાલયમાં વૈદિક ગણિત અને મેથેમેજીકનો વિશેષ વર્કશોપ યોજાયો હતો. 29 જાન્યુઆરી 2025ના રોજ યોજાયેલા આ કાર્યક્રમમાં શાળાના આચાર્ય કલ્પેશભાઇ અખાણીએ વિદ્યાર્થીઓને વૈદિક ગણિત અને મેથેમેજીકની વિવિધ પદ્ધતિઓથી માહિતગાર કર્યા હતા. કાર્યક્રમમાં વિજ્ઞાન શિક્ષિકા પુરીબેન ચૌધરીએ ગણિતના વિવિધ મોડેલ્સનું પ્રદર્શન કર્યું હતું.
વિવેકાનંદ વિદ્યાલય ઉપરાંત સૈનિક શાળા અને અનુદાનિત નિવાસી શાળાના મળીને કુલ 300 જેટલા વિદ્યાર્થીઓએ આ પ્રદર્શનમાં ઉત્સાહભેર ભાગ લીધો હતો. શાળાના અનુભવી શિક્ષકો બાબુભાઈ ચૌધરી અને દિનેશભાઇ ચૌધરીએ વિદ્યાર્થીઓને મૂલ્યવાન માર્ગદર્શન પૂરું પાડ્યું હતું. આ કાર્યક્રમ દ્વારા વિદ્યાર્થીઓમાં ગણિત વિષય પ્રત્યે રુચિ વધારવાનો અને વૈદિક ગણિતની પ્રાચીન પદ્ધતિઓને આધુનિક શિક્ષણ સાથે જોડવાનો પ્રયાસ કરવામાં આવ્યો હતો.
