દક્ષિણ સુદાનની રાજધાની જુબાની બહાર સોમવારે એક નાનું વિમાન દુર્ઘટનાગ્રસ્ત થયું હતું, જેમાં તમામ ૧૩ મુસાફરો અને પાઇલટના મોત થયા હતા, એમ દેશની નાગરિક ઉડ્ડયન સત્તાવાળાએ જણાવ્યું હતું. દક્ષિણ સુદાનની નાગરિક ઉડ્ડયન સત્તાવાળાએ એક નિવેદનમાં જણાવ્યું હતું કે, આ વિમાન સેસ્ના હતું જે ૦૭૧૫ ય્સ્ વાગ્યે જુબા આંતરરાષ્ટ્રીય હવાઇમથકથી ઉડાન ભરી હતી અને રાજધાનીથી લગભગ ૨૦ કિમી દૂર ક્રેશ થયું હતું અને કોઈ બચ્યું ન હતું.
પ્રાથમિક તારણોમાં એવું સૂચવવામાં આવ્યું છે કે દુર્ઘટના પ્રતિકૂળ હવામાન પરિસ્થિતિઓને કારણે થઈ હશે, જેના કારણે દૃશ્યતા ઓછી થઈ ગઈ હતી.
વિમાનમાં સવાર લોકોમાં બે કેન્યાના નાગરિકો હતા, જ્યારે બાકીના પીડિતો દક્ષિણ સુદાનના હતા. “બધા મૃતદેહો ઓળખી ન શકાય તે રીતે બળી ગયા હતા,” ઘટનાસ્થળે મોકલવામાં આવેલી યુએન બચાવ ટીમના સભ્યએ છહ્લઁ ને નામ ન આપવાની શરતે જણાવ્યું.
અધિકારીઓએ જુબાથી લગભગ ૨૦ કિમી દૂર સ્થિત ક્રેશ સ્થળ પર માહિતી એકત્રિત કરવા અને કટોકટી પ્રતિસાદકર્તાઓને મદદ કરવા માટે એક ટીમ મોકલી છે.
સોશિયલ મીડિયા પર શેર કરાયેલા ક્રેશ સ્થળના વીડિયોમાં વિમાનના અવશેષો આગમાં લપસેલા દેખાયા. વીડિયોમાં સ્થાન પર્વતીય અને ધુમ્મસવાળું દેખાતું હતું.
જાન્યુઆરી ૨૦૨૫ માં ૨૦ લોકોનાં મોત
જાન્યુઆરી ૨૦૨૫ માં ઉત્તર દક્ષિણ સુદાનમાં વિમાન દુર્ઘટનામાં ૨૦ લોકોનાં મોત.
૨૦૨૧ માં, વર્લ્ડ ફૂડ પ્રોગ્રામ (ઉહ્લઁ) માટે ઇંધણ લઈ જતું કાર્ગો વિમાન ક્રેશ થયું ત્યારે પાંચ લોકોનાં મોત થયાં.
૨૦૧૫ માં, જુબામાં સોવિયેત યુગના એન્ટોનોવ વિમાનના દુર્ઘટનામાં ૩૬ લોકોનાં મોત થયાં
અને ૨૦૧૭ માં, એક વિમાન જે રનવે પરથી ભટકી ગયું હતું તે આગની લપેટમાં આવતા પહેલા ફાયર ટ્રક સાથે અથડાયું હતું, પરંતુ તેમાં સવાર તમામ ૩૭ લોકો ચમત્કારિક રીતે બચી ગયા હતા.