રાષ્ટ્રીય પુરસ્કાર વિજેતા ફિલ્મ દામુ માટે જાણીતા પીઢ બંગાળી ફિલ્મ નિર્માતા રાજા સેનનું રવિવાર, ૧૬ ઓગસ્ટ, ૨૦૨૬ ના રોજ લાંબી બીમારી બાદ હોસ્પિટલમાં અવસાન થયું. તેઓ ૭૧ વર્ષના હતા. તેમના નિધનના સમાચારથી બંગાળી ફિલ્મ ઉદ્યોગ અને તેમના ચાહકો ઊંડા આઘાતમાં છે. ચાહકો અને ફિલ્મ જગતના સભ્યો ફિલ્મ નિર્માતાને યાદ કરતા સોશિયલ મીડિયા પર શ્રદ્ધાંજલિનો વરસાદ થઈ રહ્યો છે.
રાજા સેનનું ૭૧ વર્ષની વયે અવસાન
રાષ્ટ્રીય પુરસ્કાર વિજેતા ફિલ્મ નિર્માતા રાજા સેનનું રવિવારે લાંબી બીમારી બાદ અવસાન થયું. તેમના પરિવારમાં તેમની પત્ની, પાપિયા સેન અને તેમની બે પુત્રીઓ, સુભાશ્રી અને શ્રેયોશી સેન છે.
મીડિયા સુત્રો મુજબ, તબીબી સંસ્થાના સૂત્રોએ જણાવ્યું હતું કે સેન અનેક સ્વાસ્થ્ય સમસ્યાઓ માટે જીજીદ્ભસ્ હોસ્પિટલમાં સારવાર લઈ રહ્યા હતા અને વેન્ટિલેટર સપોર્ટ પર હતા. એક ડૉક્ટરે એજન્સીને જણાવ્યું હતું કે, “તેમને ઘણી મુશ્કેલીઓ હતી અને સારવાર છતાં તેમની સ્થિતિ ગંભીર રહી હતી. તેઓ વેન્ટિલેટર સપોર્ટ પર હતા.”
સેને ૧૯૯૬માં દામુ ફિલ્મથી પોતાની ફિલ્મ કારકિર્દીની શરૂઆત કરી હતી. આ ફિલ્મે શ્રેષ્ઠ બાળ ફિલ્મનો રાષ્ટ્રીય ફિલ્મ પુરસ્કાર જીત્યો, જેનાથી તેમને બંગાળી સિનેમામાં એક અગ્રણી ફિલ્મ નિર્માતા તરીકે સ્થાપિત કર્યા.
રાજા સેનનું નોંધપાત્ર કાર્ય
રાજા સેને દામુ ફિલ્મમાં કામ કરતા પહેલા ટેલિવિઝનમાં પોતાની કારકિર્દીની શરૂઆત કરી હતી. તેમણે ત્રણ રાષ્ટ્રીય ફિલ્મ પુરસ્કારો જીત્યા હતા અને અનેક પ્રશંસનીય ફિલ્મોનું દિગ્દર્શન કર્યું હતું, જેમાં દેવીપક્ષ, દેશ અને ભાલોબાસર ગાલ્પોનો સમાવેશ થાય છે.
તેમની છેલ્લી પૂર્ણ થયેલી ફિલ્મ ભાલોબાસર ગાલ્પો હતી, જે ૨૦૧૯માં રિલીઝ થઈ હતી, જ્યારે માયા મૃદંગ ૨૦૧૬માં રિલીઝ થઈ હતી.
રાજા સેનના મૃત્યુ વિશે
મીડિયા સુત્રો અનુસાર, પીઢ ફિલ્મ નિર્માતા રાજા સેનનું ૭૧ વર્ષની વયે કોલકાતામાં લાંબી બીમારીને કારણે અવસાન થયું હતું. તેઓ કોલકાતાની SSKM હોસ્પિટલમાં સારવાર હેઠળ હતા, જ્યાં તેઓ વેન્ટિલેટર પર હતા. સેનને કમરના નીચેના ભાગમાં ઈજા થતાં ખાનગી હોસ્પિટલમાં દાખલ કરવામાં આવ્યા હતા. સારવાર દરમિયાન તેમને ફેફસાં અને હૃદય સંબંધિત ગૂંચવણો થઈ હોવાનું કહેવાય છે. સારવાર દરમિયાન તેમને ફેફસાં અને હૃદય સંબંધિત મુશ્કેલીઓ થઈ હોવાનું કહેવાય છે. ત્યારબાદ તેમને SSKM હોસ્પિટલમાં લઈ જવામાં આવ્યા, જ્યાં તેમને કિડની સંબંધિત વધુ ગૂંચવણો વિકસી.
રાજા સેનના અવસાનથી બંગાળી સિનેમા, ટેલિવિઝન અને દસ્તાવેજી ફિલ્મ નિર્માણમાં તેમની લાંબી અને નોંધપાત્ર કારકિર્દીનો અંત આવ્યો.