કેન્દ્રીય ગૃહમંત્રી અમિત શાહે જણાવ્યું હતું કે, એક આંતરરાષ્ટ્રીય માદક પદાર્થ તસ્કરી નેટવર્ક (નાર્કોટિક્સ કાર્ટેલ)નો પર્દાફાશ કરવામાં આવ્યો છે અને સુરક્ષા દળોએ આસામ, મિઝોરમ અને મણિપુરથી ૧૮ લોકોની ધરપકડ કરી છે. તેમણે આ કામગીરી કરનાર ટીમને અભિનંદન પાઠવ્યા હતા, જેમાં કેન્દ્રીય એજન્સીઓના સભ્યો અને ત્રણેય રાજ્યોના પોલીસ કર્મચારીઓ સામેલ હતા.
માઇક્રોબ્લોગિંગ પ્લેટફોર્મ ‘x‘ (અગાઉનું ટ્વિટર) પર ‘ઓપરેશન ટ્રાઇડેન્ટ‘ નામની આ કાર્યવાહી વિશે વિગતો આપતા, ભારતીય જનતા પાર્ટી ભાજપના નેતાએ જણાવ્યું હતું કે આ નેટવર્ક ‘ડેથ ટ્રાયએંગલ કોરિડોર‘ મારફતે ભારત, મ્યાનમાર અને બાંગ્લાદેશની સરહદો પર માદક પદાર્થોની તસ્કરી કરતું હતું.
તેમણે કહ્યું કે આ ઓપરેશન ૩૧ ડિસેમ્બર, ૨૦૨૯ સુધીમાં ભારતને નશામુક્ત બનાવવાની કેન્દ્ર સરકારની પ્રતિબદ્ધતાને સાબિત કરે છે. તેમણે ભારપૂર્વક કહ્યું કે દેશ માદક પદાર્થોના આ નેટવર્ક્સ (કાર્ટેલ્સ) સામે ત્યાં સુધી પ્રહાર કરતો રહેશે જ્યાં સુધી તેમનો સંપૂર્ણ સફાયો ન થઈ જાય.
કેન્દ્રીય ગૃહમંત્રીએ કહ્યું, “અમારી એજન્સીઓએ ૨૩ ઓક્ટોબરે આસામ, મિઝોરમ અને મણિપુરમાં ૩૮ સ્થળોએ એકસાથે દરોડા પાડીને એક આંતરરાષ્ટ્રીય માદક પદાર્થ તસ્કરી નેટવર્કનો પર્દાફાશ કર્યો છે.” તેમણે વધુમાં જણાવ્યું કે, “આ ઓપરેશન દરમિયાન ૧૦૦ કરોડ રૂપિયાના હવાલા વ્યવહારોનો ખુલાસો થયો છે, ૧,૪૨૪ બેંક ખાતાઓ ફ્રીઝ કરવામાં આવ્યા છે, ૧૭.૮૨ કરોડ રૂપિયાની સંપત્તિ જપ્ત કરવામાં આવી છે, ૫૦૦ ડેટોનેટર અને ૧૨ લાખ રૂપિયા રોકડા જપ્ત કરાયા છે, તેમજ ૧૮ લોકોની ધરપકડ કરવામાં આવી છે.”
નશીલા પદાર્થો સામે ભારતનું યુદ્ધ
આ પહેલાં અમિત શાહે નશીલા પદાર્થોને ભારત સામેના સૌથી મોટા પડકારોમાંના એક ગણાવ્યા હતા અને કહ્યું હતું કે જાે તેના પર નિયંત્રણ ન મૂકવામાં આવે તો તે દેશના વિકાસને નુકસાન પહોંચાડી શકે છે. તેમણે જાહેરાત કરી હતી કે કેન્દ્ર સરકાર ડિસેમ્બર ૨૦૨૯ સુધીમાં દેશને નશામુક્ત બનાવશે.
૨૧ ઓક્ટોબરે નવી દિલ્હીમાં નેશનલ પોલીસ મેમોરિયલ (રાષ્ટ્રીય પોલીસ સ્મારક) ખાતેથી આપેલા સંદેશમાં, તેમણે દેશભરના પોલીસ દળોને ભારતને નશામુક્ત બનાવવામાં મદદ કરવા અને આ ખતરાને કાયમ માટે નાબૂદ કરવા માટે પ્રતિબદ્ધ થવા આહ્વાન કર્યું હતું.
તેમણે કહ્યું હતું કે પોલીસ દળોએ, સેન્ટ્રલ આર્મ્ડ પોલીસ ફોર્સીસ (ઝ્રછઁહ્લજ – કેન્દ્રીય સશસ્ત્ર પોલીસ દળો) સાથે મળીને, ભારતના વિકાસમાં મહત્વપૂર્ણ ભૂમિકા ભજવી છે; જેમાં નક્સલવાદીઓનો સામનો કરવો અને માદક પદાર્થો સામે દેશનું યુદ્ધ લડવાનો સમાવેશ થાય છે. “તેમ છતાં, આ અમર નાયકો દેશની જમીનનો એક ઇંચ પણ હિસ્સો વિદેશીઓના હાથમાં ન જાય તેવા પોતાના સંકલ્પ પર અડગ રહ્યા અને ફરજ બજાવતી વખતે સર્વોચ્ચ બલિદાન આપ્યું. ત્યારથી, દર વર્ષે ૨૧ ઓક્ટોબરને ‘પોલીસ સ્મૃતિ દિવસ‘ તરીકે મનાવવામાં આવે છે,” શ્રી અમિત શાહે કહ્યું હતું. “જાે આ જવાનોએ દેશની આંતરિક સુરક્ષા જાળવવા અને સરહદોનું રક્ષણ કરવા માટે સર્વોચ્ચ બલિદાન ન આપ્યું હોત, તો આજે આપણે ક્યાં હોત તેની કલ્પના પણ કોઈ કરી શકે તેમ નથી.”