રાજસ્થાનની શહેરી સ્થાનિક સ્વરાજ્યની ચૂંટણીઓ માટે મતગણતરી ચાલી રહી છે, જેમાં મોટાભાગના મ્યુનિસિપલ કોર્પોરેશનો અને કાઉન્સિલમાં ભાજપ કોંગ્રેસ કરતાં આગળ છે. ૨૦૨૮ની વિધાનસભા ચૂંટણી પહેલાં સત્તાધારી ભાજપ અને વિરોધ પક્ષ કોંગ્રેસ માટે મોટી કસોટી સમાન ગણાતી આ ચૂંટણીઓ બે તબક્કામાં ૯ અને ૧૧ સપ્ટેમ્બરના રોજ યોજાઈ હતી. કુલ ૩૦૯ શહેરી સ્થાનિક સંસ્થાઓમાં ૧૦,૨૪૫ કાઉન્સિલરોની પસંદગી થવાની છે; આ સંસ્થાઓમાં ૧૦ મ્યુનિસિપલ કોર્પોરેશન, ૫૧ મ્યુનિસિપલ કાઉન્સિલ અને ૨૪૮ નગરપાલિકાઓનો સમાવેશ થાય છે.
આ ચૂંટણીઓમાં ૧૦ મ્યુનિસિપલ કોર્પોરેશન (નગર નિગમ), ૪૭ મ્યુનિસિપલ કાઉન્સિલ (નગર પરિષદ) અને ૨૫૨ નગરપાલિકાઓનો સમાવેશ થાય છે, જેમાં કુલ ૧૦,૨૪૫ કાઉન્સિલર બેઠકો અને અંદાજે ૧.૪૪ કરોડ પાત્ર મતદારો સામેલ છે. પ્રથમ તબક્કામાં ૧૬૨ સંસ્થાઓમાં મતદાનની ટકાવારી ૭૬.૪૧ ટકા અને બીજા તબક્કામાં ૧૪૭ સંસ્થાઓમાં ૭૧.૬૯ ટકા રહી હતી. બંને તબક્કાનું સંયુક્ત મતદાન ૭૪.૦૫ ટકા નોંધાયું હતું.
૩૦૯ શહેરી સ્થાનિક સંસ્થાઓ અને ૧૦,૧૬૭ વોર્ડમાં યોજાયેલી બે તબક્કાની ચૂંટણીના પરિણામો ૩૮,૮૮૯ ઉમેદવારોના ભાવિનો ર્નિણય કરશે. આ ચૂંટણીઓ ૧૬,૪૬૫ મતદાન મથકો પર યોજાઈ હતી, જેમાં મહિલાઓ, અનુસૂચિત જાતિ (જીઝ્ર), અનુસૂચિત જનજાતિ (જી્) અને અન્ય પછાત વર્ગો (ર્ંમ્ઝ્ર) સહિત વિવિધ શ્રેણીઓ માટે બેઠકો અનામત રાખવામાં આવી હતી. કાઉન્સિલરના પરિણામો બાદ મેયર અને ચેરપર્સનની ચૂંટણી યોજાશે; મેયર અને ચેરપર્સન માટેની ચૂંટણી ૨૧ સપ્ટેમ્બરે નિર્ધારિત છે, જ્યારે ડેપ્યુટી મેયર, ડેપ્યુટી ચેરપર્સન અને વાઇસ-પ્રેસિડેન્ટની ચૂંટણી ૨૨ સપ્ટેમ્બરે યોજાશે.
જે ૧૦ મ્યુનિસિપલ કોર્પોરેશનના પરિણામો જાહેર થવાના છે તેમાં ૧૫૦ વોર્ડ સાથે જયપુર; ૧૦૦-૧૦૦ વોર્ડ સાથે જાેધપુર અને કોટા; ૮૦-૮૦ વોર્ડ સાથે અજમેર, ઉદયપુર અને બિકાનેર; ૭૦ વોર્ડ સાથે ભીલવાડા; અને ૬૫-૬૫ વોર્ડ સાથે અલવર, પાલી અને ભરતપુરનો સમાવેશ થાય છે. ૪૭ નગર પરિષદોમાં ચોમુ, શાહપુરા, દૌસા, સીકર, ઝુંઝુનુ, ભિવાડી, કોટપુતલી, બ?????, નાગૌર, ટોંક, બુંદી, ચિત્તોડગઢ, બાંસવાડા, શ્રી ગંગાનગર, હનુમાનગઢ, ચુરુ, ધોલપુર, કરૌલી, સવાઈ માધોપુર અને ગંગાપુર સિટી વગેરેનો સમાવેશ થાય છે. આ ઉપરાંત, ૨૫૩ નગરપાલિકાઓમાંથી ૨૫૨ માટે પરિણામો જાહેર કરવામાં આવશે.
રાજસ્થાનની સ્થાનિક સ્વરાજ્યની ચૂંટણીઓ મહત્વપૂર્ણ છે કારણ કે તેના પરિણામો રાજ્યભરની શહેરી સ્થાનિક સંસ્થાઓનું માળખું નક્કી કરશે અને મેયર, અધ્યક્ષ તથા અન્ય મુખ્ય હોદ્દેદારોની આગામી ચૂંટણીઓ માટે પૃષ્ઠભૂમિ તૈયાર કરશે.
ભીલવાડા મ્યુનિસિપલ કોર્પોરેશનમાં ભાજપે ૭૦માંથી ૪૫ વોર્ડ જીતીને સ્પષ્ટ બહુમતી મેળવી છે. અપક્ષ ઉમેદવારો ૧૫ બેઠકો સાથે બીજા ક્રમે રહ્યા, જ્યારે કોંગ્રેસે ૧૦ વોર્ડ જીત્યા.