ચેન્નાઇ
ચક્રવાતી તોફાન ‘મંડુસ’ની અસર દક્ષિણના રાજ્યોમાં દેખાવા લાગી છે. અહીં તમિલનાડુના ચેન્નાઈમાં શુક્રવારે ભારે વરસાદ નોંધાયો હતો. ચક્રવાતના ભય વચ્ચે, ઓછામાં ઓછી ચાર ફ્લાઇટ્સ રદ કરવી પડી હતી અને ઘણી ફ્લાઇટ્સ મોડી પડી છે. બંગાળની ખાડી પર બનેલું ચક્રવાતી તોફાન મંડુસ ૯ ડિસેમ્બરની રાત્રે અને ૧૦ ડિસેમ્બરની વહેલી સવારે ઉત્તર તમિલનાડુ અને દક્ષિણ આંધ્ર પ્રદેશ વચ્ચેના દરિયાકાંઠાના વિસ્તારમાંથી પસાર થશે. આ ચક્રવાત આંધ્રપ્રદેશના શ્રીહરિકોટા અને પુડુચેરીની વચ્ચેથી પસાર થવાની સંભાવના છે. ભારતીય હવામાન વિભાગના જણાવ્યા અનુસાર બંગાળની ખાડીમાં બનેલી આ સિસ્ટમની અસરને કારણે તમિલનાડુના કેટલાક ભાગોમાં ભારે વરસાદ પડી શકે છે. ભારતીય હવામાન વિભાગ દ્વારા ટિ્વટર અપડેટમાં કહેવામાં આવ્યું છે કે મંડુસ કરાઈકલથી ૨૭૦ કિમી પૂર્વ-દક્ષિણપૂર્વમાં સ્થિત છે. આઈએમડીના એક અધિકારીએ જણાવ્યું હતું કે તે મલપ્પુરમ નજીક દરિયાકાંઠે પાર થવાની ધારણા છે અને ચેન્નાઈથી લગભગ ૨૭૦ કિમી દૂર કેન્દ્રિત છે. આઇએમડી અધિકારીએ કહ્યું કે તે આગામી થોડા કલાકોમાં ચક્રવાતી તોફાનમાં નબળું પડી જશે. ભારે વરસાદ અને ભારે પવનની ૈંસ્ડ્ઢની ચેતવણીને ધ્યાનમાં રાખીને, તમિલનાડુના ઘણા જિલ્લાઓમાં શૈક્ષણિક સંસ્થાઓ બંધ રાખવામાં આવી છે. દરમિયાન પડોશી પુડુચેરીમાં, પ્રાદેશિક વહીવટીતંત્રે આઇએમડી દ્વારા ચક્રવાતની ચેતવણી જારી કર્યા પછી શુક્રવાર અને શનિવારના રોજ પુડુચેરી અને કરાઈકલ પ્રદેશોમાં તમામ શાળાઓ અને કોલેજાેમાં રજા જાહેર કરી હતી. બંગાળની ખાડી પર બનેલું લો પ્રેશર ૬ ડિસેમ્બરે ડીપ ડિપ્રેશનમાં ફેરવાઈ ગયું હતું. બુધવારે તે ચેન્નાઈથી લગભગ ૭૫૦ કિમી દૂર સ્થિત હતું.
આઇએમડી દ્વારા જારી કરાયેલા બુલેટિન મુજબ ચક્રવાતી તોફાન મંડુસ બંગાળની ખાડીના દક્ષિણપશ્ચિમમાં કરાઈકલના દક્ષિણપૂર્વમાં લગભગ ૫૦૦ કિમી દૂર છે. બુલેટિન મુજબ, તે પશ્ચિમ-ઉત્તરપશ્ચિમ તરફ આગળ વધીને ઉત્તર તમિલનાડુ, પુડુચેરી અને અડીને આવેલા આંધ્રપ્રદેશના દક્ષિણ કિનારે પુડુચેરી અને શ્રીહરિકોટા વચ્ચે ૯ ડિસેમ્બરની મધ્યરાત્રિની આસપાસ ૭૦ કિમી પ્રતિ કલાકની ઝડપે પવન ફૂંકાવાની સંભાવના છે. ચેન્નાઈથી પુડુચેરી લગભગ ૧૬૦ કિલોમીટર દૂર છે.
