થાણે પોલીસ દ્વારા ઈરાની ગેંગના બે શંકાસ્પદ સભ્યોની ધરપકડ કરી

નવી દિલ્હી
મહારાષ્ટ્રના થાણે જિલ્લાના વિવિધ વિસ્તારોમાં ચાર કેસિનો પર દરોડા પાડ્યા બાદ ત્રણ મહિલાઓ સહિત ૫૫ લોકોની ધરપકડ કરવામાં આવી છે. થાણે પોલીસ પ્રવક્તા જયમાલા વસવેએ જણાવ્યું હતું કે, છેલ્લા બે દિવસમાં નૌપાડા, વિઠ્ઠલવાડી, નારપોલી અને ભિવંડીમાં દરોડા પાડવામાં આવ્યા છે. થાણે પોલીસ ક્રાઈમ બ્રાન્ચ અને સ્થાનિક પોલીસ કર્મચારીઓએ ૨૯ અને ૩૦ સપ્ટેમ્બરના રોજ જુગારના ચાર સ્થળો પર દરોડા પાડ્યા હતા. આ કામગીરીમાં ૧,૬૪,૩૫૦ રૂપિયાની રોકડ પણ મળી આવી છે. તેમણે કહ્યું કે, ભીવંડીમાંથી ૩૨, નૌપાડામાંથી ૧૧, વિઠ્ઠલવાડીમાંથી ત્રણ મહિલાઓ સહિત છ લોકોની અને નારપોલીમાંથી છ લોકોની ધરપકડ કરવામાં આવી છે. અધિકારીએ જણાવ્યું હતું કે, આરોપીઓ વિરુદ્ધ ભારતીય દંડ સંહિતા (ૈંઁઝ્ર), મહારાષ્ટ્ર જુગાર નિવારણ અધિનિયમ અને રોગચાળા રોગો અધિનિયમની સંબંધિત કલમો હેઠળ કેસ નોંધવામાં આવ્યો છે. તે જ સમયે, જુગારીઓ સામે ઝુંબેશ હજુ પણ ચાલુ છે. પોલીસે મહારાષ્ટ્રના થાણેમાં કલ્યાણ નજીકથી કુખ્યાત ઈરાની ગેંગના બે શંકાસ્પદ સભ્યોની ધરપકડ કરી છે અને તેમની પાસેથી ૨.૩૬ લાખની કિંમતના ચોરાયેલા મોબાઈલ અને સોનાની ચેઈન જપ્ત કરી છે. થાણે પોલીસના પ્રવક્તા જયમાલા વસવેએ જણાવ્યું હતું કે, કાસિફ જાફર ઈરાની ઉર્ફે હુસેન (૨૦) અને કમ્બર ઉર્ફે અંબર અન્નુ સૈયદ ઈરાની (૨૩) ની બુધવારે સાંજે અમ્બિવલીથી ધરપકડ કરવામાં આવી હતી. તેમણે કહ્યું કે, ‘પોલીસની એક ટીમે અમ્બિવલીમાં દરોડા પાડ્યા અને તેમની પાસેથી ચોરાયેલા મોબાઇલ અને સોનાની ચેઇન, જેની કિંમત લગભગ ૨.૩૬ લાખ રૂપિયા છે, જપ્ત કરી. સ્નેચિંગની ઘટનાઓને અંજામ આપવા માટે વપરાતી મોટરસાઇકલ પણ જપ્ત કરવામાં આવી છે. પોલીસે કહ્યું કે, તેમની સામે ભારતીય દંડ સંહિતાની કલમ ૩૯૪, ૩૯૭ અને ૩૪ હેઠળ કેસ નોંધવામાં આવ્યો છે. આ પહેલા પણ કાસીમ સામે ૧૧ અને અંબર સામે આઠ કેસ નોંધાયા છે. તેમણે જણાવ્યું હતું કે, પ્રાથમિક તપાસમાં જાણવા મળ્યું છે કે આરોપીઓએ ભૂતકાળમાં થાણે, નવી મુંબઈ, મુંબઈ અને રાયગઢ જિલ્લામાં પણ ઘણી ઘટનાઓને અંજામ આપ્યો છે.