સુરત ગ્રામ્ય પોલીસે નાર્કોટિક્સના ગુનાઓમાં ફરાર આરોપીઓને પકડવા ઝુંબેશ ચલાવી છે. કડોદરા GIDC પોલીસે NDPS કેસમાં છેલ્લા 11 મહિનાથી ફરાર રાહુલ સુખલાલ ધુરીયાને ઝડપી પાડ્યો છે. 20 નવેમ્બર 2025ના રોજ સુરત ગ્રામ્ય SOGએ પલસાણા પોલીસ સ્ટેશન વિસ્તારમાં બગુમરા ગામ પાસેથી 24.824 કિલોગ્રામ ગાંજો જપ્ત કર્યો હતો. આ ગાંજાની કિંમત આશરે ₹12,41,200 હતી.
પોલીસે ગાંજા સહિત કુલ ₹13,18,220નો મુદ્દામાલ જપ્ત કર્યો હતો. આ કેસમાં પલસાણા પોલીસ સ્ટેશનમાં NDPS એક્ટ હેઠળ ગુનો નોંધાયો હતો. ત્યારે બે આરોપીઓ પકડાયા હતા, જ્યારે અન્ય ફરાર હતા. તપાસમાં કડોદરા GIDC પોલીસને બાતમી મળી કે રાહુલ સુખલાલ કડોદરા CNG કટ પાસે સુરત તરફ જવાના રોડ પર ઊભો છે. પોલીસે તેને પકડી પાડ્યો. તેની ઓળખ રાહુલ સુખલાલ ધુરીયા, ઉંમર 28, રહે. પાંડેસરા, સુરત તરીકે થઈ.