જિલ્લામાં તા.૩જી ફેબ્રુઆરી સુધી જાહેરનામું અમલી
————
આગામી મકરસંક્રાંતિ (ઉતરાયણ)ના તહેવારની ઉજવણી દરમિયાન લોકો પતંગ ઉડાડવા માટે ચાઈનીઝ દોરી-દોરા, પ્લાસ્ટિકની દોરી, ચાઈનિઝ માંજા, મેટલીક થ્રેડ, સિન્થેટીક માંઝા, સિન્થેટીક પદાર્થથી કોટિંગ કરેલ હોય અને નોન-બાયોડીગ્રેડેબલ હોય આવી વસ્તુઓ માનવજીવન, પક્ષીઓ તથા પર્યાવરણ માટે ખતરારૂપ છે તેમજ મેટલીક થ્રેડ(ધાતુ મિશ્રિત દોરા), મેગ્નેટીક ટેપના ઉપયોગથી આગજની, કરંટ લાગવો કે અન્ય દુર્ઘટના બને છે. આથી ચાઈનીઝ તુક્કલ/ સિન્થેટિક કે ચાઈનીઝ માંઝા/પ્લાસ્ટિક દોરી અને તેના જેવી સિન્થેટિક દોરીના ખરીદ-વેચાણ, આયાત, સંગ્રહ કે વપરાશ પર પ્રતિબંધ મુકવામાં આવ્યો છે. જિલ્લા મેજીસ્ટ્રેટશ્રી, છોટાઉદેપુર દ્વારા સી.આર.પી.સી. કલમ-૧૪૪ અન્વયે આ પ્રતિબંધ ફરમાવતું જાહેરનામું પ્રસિદ્ધ કરવામાં આવ્યું છે. આ હુકમ સમગ્ર જિલ્લામાં તા.૦૪/૦૧/૨૦૨૩ થી ૦૩/૦૨/૨૦૨૩ સુધીના દિવસ સુધી અમલી રહેશે. હુકમના ભંગ બદલ ધ ઇન્ડિયન પીનલ કોડ-૧૮૬૦ની કલમ-૧૮૮ હેઠળ દંડપાત્ર છે.
તે ઉપરાંત, જાહેર માર્ગો તથા શેરીઓમાં રોડ ઉપર સમગ્ર વિસ્તારમાં પતંગ ચગાવવા માટે નાયલોન અથવા સિન્થેટીક માંઝા, અને નોન-બાયોડીગ્રેડેબલ હોય તેવી ચાઈનિઝ દોરી, મેટલીક થ્રેડ, કાચ પાયેલી દોરી વગેરે વસ્તુઓથી જાહેર રસ્તા પર પતંગ ચગાવતા હોય તેવા કારણે વાહન વ્યવહાર તથા અવર જવર કરતાં લોકોને અવરોધ ઉભો થઈ અકસ્માત થવાનો સંભવ રહે છે. જેથી જાહેર સલામતી ખાતર રસ્તામાં કે જાહેર સ્થળો પર પતંગ ચગાવવા માટે તેમજ ખરીદવા, આયાત કરવા, વેચાણ કરવા કબજામાં રાખવા કે સંગ્રહ કરવા પર સમગ્ર જિલ્લાની હદમાં પ્રતિબંધ મુકવામાં આવ્યો છે. આ હુકમનો ભંગ કરનાર વ્યકિતને શિક્ષાને પાત્ર થશે.
ઈમરાન મન્સૂરી બોડેલી છોટા ઉદેપુર