નવીદિલ્હી
સ્ટેન્ડ અપ કોમેડિયન તરીકે આગવી ઓળખ બનાવનાર કપિલ શર્મા તેના શોના કારણે તો પ્રસિદ્ધ છે જ પણ બોલિવૂડ કમબેકને લઈને આજકાલ વધારે ચર્ચામાં છે. કપિલ શર્માએ વર્ષ ૨૦૧૫માં ‘કિસ કિસ કો પ્યાર કરુ’ અને વર્ષ ૨૦૧૭માં ‘ફિરંગી’ ફિલ્મમાં અભિનય કર્યો હતો. ‘ફિરંગી’ ફિલ્મને કપિલે પ્રોડ્યુસ પણ કરી હતી. ફિલ્મ બોક્સ ઓફિસ પર ઊંધા માથે પછડાયા બાદ, કપિલે બ્રેક લીધો હતો અને તે ફરી એકવાર એક્ટર-ફિલ્મ મેકર નંદિતા દાસની ફિલ્મ ‘ઝિ્વગાટો’થી કમબેક કરી રહ્યો છે. ટોરેન્ટો ફિલ્મ ફેસ્ટિવલમાં ફિલ્મે પ્રશંસા મેળવ્યા બાદ, કપિલ ખૂબ જ ખુશ છે અને ફિલ્મને પ્રમોટ કરવાની સાથે રિલીઝની તૈયારી કરી રહ્યો છે. કપિલે ફિલ્મ ‘ઝિ્વગાટો’ વિશે વાત કરતા એક ઈન્ટરવ્યૂમાં કહ્યું છે કે, ફિલ્મનું ટ્રેલર રિલીઝ થયા બાદ, મને આવી ૯ ફિલ્મો ઓફર થઈ ચૂકી છે અને બધી જ ફિલ્મો સિરિયસ જાેનરની હતી પણ મને સ્ક્રિપ્ટ વાંચીને લાગ્યું કે, અનેક રાઈટર્સ તેમના કામ પ્રત્યે સિરિયસ ન હતા અને આ કારણે મેં બધી જ ઓફર નકારી દીધી છે. ‘ઝિ્વગાટો’ની વાત કરીએ તો, હું ભગવાનનો આભારી છું કે, મને સારી ઓફર મળી રહી છે. હું એવી જ ફિલ્મો કરવા માંગુ છું જે મારા દિલને ગમી જાય. ફિલ્મો માટે મારી પહેલી અને છેલ્લી પ્રાયોરિટી આજ રહેશે. હું પૈસા કમાવવા માટે ફિલ્મો નથી કરવા ઈચ્છતો. ભગવાનની દયાથી મેં કોમેડી શોથી ઘણા પૈસા કમાયા છે.
