શ્રી ગૌતમ પરમાર સાહેબ, પોલીસ મહાનિરિક્ષકશ્રી ભાવનગર વિભાગ, ભાવનગરનાઓની સુચના અને માર્ગદર્શન હેઠળ અમરેલી પોલીસ અધિક્ષકશ્રી હિમકર સિંહ સાહેબ દ્વારા અમરેલી જિલ્લામાં સાયબર ક્રાઇમ સંબંધીત નાણાકીય છેતરપીંડીમાં ગયેલ નાણાં પરત અપાવવા જરૂરી સુચનાઓ આપેલ હોય, જેથી પરીણામલક્ષી કામગીરી કરી આવી ગુનાહીત પ્રવૃતિ અટકાવવા શ્રી જે.પી.ભંડારી સાહેબ, નાયબ પોલીસ અધિક્ષક, અમરેલી વિભાગ, અમરેલીનાઓનાં માર્ગદર્શન હેઠળ પોલીસ ઇન્સપેક્ટશ્રી ડી.કે.વાઘેલા સાહેબ તથા પોલીસ સબ ઇન્સ્પેક્ટરશ્રી જી.જે.મોરી સાહેબ તથા પોલીસ સબ ઇન્સ્પેક્ટરશ્રી જે.એમ.કડછા સાહેબ તથા પોલીસ સબ ઇન્સ્પેક્ટરશ્રી એચ.બી.કોવાડીયા સાહેબ સાયબર ક્રાઇમ પો. સ્ટે. અમરેલી નાઓએ જરૂરી ટીમ બનાવી કામગીરી હાથ ધરી અરજદારનાં નાણાં પરત અપાવવાની કામગીરી કરવામાં આવેલ.
અત્રે જીલ્લાના સાયબર ક્રાઈમ પો.સ્ટે. ખાતે ગત ફેબ્રુઆરી,માર્ચ,એપ્રીલ-૨૦૨૩ દરમ્યાન, અલગ-અલગ અરજદારોની સાથે નાણાકીય ફ્રોડ થયેલ, નાણાકીય ફ્રોડ અંતર્ગત સ્ક્રીન શેરિંગ એપ, ઑ.ટી.પી. ફ્રોડ, કસ્ટમર કેર નંબર ફ્રોડ, શિપિંગ શુલ્ક, આર્મીમેનનું નામ ધારણ કરવું, આંગણવાડી ના નામે ખોટી ઓળખ ઉભી કરીને, શોપીંગફ્રોડ, ઈનવેસ્ટમેન્ટ ફ્રોડ, જોબફ્રોડ, લોન ફ્રોડ, હોટેલબુકીંગ ફ્રોડ થકી ભોગબનનાર લોકોના નાણા અત્રેના પો.સ્ટે. દ્વારા તાત્કાલીક જીણવટભરી તપાસ કરી અને અરજદારોના નાણા પરત માટે આગળની કાર્યવાહી કરી કુલ-૨૩ (ત્રેવીસ) અરજદારોના કુલ રૂ.૯,૩૩,૦૮૮/- પરત અપાવી તેઓને ૧૦૦ % રકમ પરત અપાવવાની કામગીરી કરેલ.
આ ઉપરાંત સાયબર ક્રાઈમ પોલીસ સ્ટેશન અમરેલી દ્વારા જીલ્લાના તમામ નાગરિકોને સાયબર ક્રાઈમથી સુરક્ષીત રહેવા માટે અપીલ કરવામાં આવે છે.
સાયબર ક્રાઈમથી બચવા આટલું ધ્યાનમાં રાખો
1) જ્યારે એવુ લાગે કે, તમારી સાથે નાણાકિય છેતરપિંડી થયેલ છે તાત્કાલીક ૧૯૩૦ સાયબર હેલ્પ લાઈન પર ફોન કરીને જાણ કરો.
2) કોઇપણ બેંક મેનેજર એટીએમ બંધ થવા સંબંધે ક્યારેય ફોન કરતા જ નથી.
3) કોઇ બેંક કે એટીએમ સંબંધે અજાણ્યા ફોન આવે ત્યારે કોઇને બેંકની ડીટેઈલ, એટીએમ કાર્ડ ડીટેઈલ કે ઓટીપી નંબર આપવો નહી.
4) એટીએમ રૂમમાં એટીએમ કાર્ડ દાખલ કરો છો તે સ્લોટ ડુપ્લીકેટ લગાવેલ છે કે નહી ચેક કરી લેવો, તેમજ પાસવર્ડ જુએ નહી તે સારૂ એટીએમ રૂમમાં અન્ય કોઇ વ્યક્તિને પ્રવેશ થવા દેવા નહી.
5) મોબાઇલ ઇનબોક્ષમાં પૈસા જમા કે કપાતનો કોઇ ફ્રોડ મેસેજ આવે તો બેંક સિવાય ક્યાંય ખરાઇ કરવી નહી.
6) કૌન બનેગા કરોડપતિ કે અન્ય કોઇ લોટરીના નામે ક્યારેય પૈસા ભરવા નહી.
7) અજાણ્યા ફોન દ્વારા આધારકાર્ડ અપડેટ કે મોબાઇલ સીમકાર્ડ વેરીફીકેશન કરવાના બહાને કોઇ માહિતી શેર કરવી નહી.
8) ઓછા વ્યાજદરની લોન કે લોભામણી જાહેરાત માટે ક્યારેય કોઇ લીંકમાં પર્સનલ માહિતી સબમીટ કરવી નહી.
9) નોકરી આપવાની જાહેરાત માટે કોઇ વેબસાઇટમાં બાયોડેટા કે બેંક ડીટેલ સબમીટ કરવી નહી.
10) OLX વેબસાઇટમાં ઓનલાઇન વાહન ખરીદી જેવા કિસ્સાઓમાં કોઇ આર્મી તરીકેની ઓળખ આપી ફ્રોડ કરતા હોય છે, ત્યારે ઓનલાઇન પેમેન્ટ કરવું જ નહી.
11) ગુગલ વેબસાઇટમાં ક્યારેય ગુગલ-પે, ફોન-પે, પેટીએમ કે અન્ય એપ્લીકેશનના કસ્ટમર કેર નંબર સર્ચ કરવા નહી. જે તે એપ્લીકેશનમાં જ કસ્ટમર કેર નંબર દર્શાવેલ હોય છે.
12) મોબાઇલ ટાવરના બહાને ફેક લેટરપેડ મોકલી ખોટી લાલચ આપતી ટોળકીથી સાવધ રહો.
13) ફેસબુક, જી-મેઇલ જેવા સોશ્યલ મિડીયામાં એકાઉન્ટ સેટીંગ અને પાસવર્ડ સિક્યુરિટી સ્ટ્રોન્ગ રાખવી.
*રીપોર્ટર ભાવેશ વાઘેલા અમરેલી*
