જબલ્યાની અલ-ફખૌરા સ્કૂલનો વીડિયો સોશિયલ મીડિયા પર થઈ રહ્યો છે વાયરલ
ઇઝરાયેલ નાગરિકો તેમજ હોસ્પિટલો પર બોમ્બમારો કરી રહ્યું છે. સેંકડો મકાનો જમીનદોસ્ત થઈ ગયા છે. શહેરમાં હાહાકાર મચી ગયો છે. હવે શાળા પણ ઈઝરાયેલના હુમલાથી અછૂત નથી. ઉત્તરી ગાઝાના જબલ્યા શરણાર્થી શિબિરમાં સ્થિત બે શાળાઓ પર હુમલો કરવામાં આવ્યો છે, જેમાં અંદાજે ૫૦ લોકોના મોત થયા છે. આશ્ચર્યની વાત એ છે કે આ શાળા સંયુક્ત રાષ્ટ્ર દ્વારા ચલાવવામાં આવી રહી હતી. ઈઝરાયેલના હુમલા બાદ યુએનના એક અધિકારીએ આ હુમલાને ભયાનક ગણાવ્યો હતો. જબલ્યાની અલ-ફખૌરા સ્કૂલનો વીડિયો સોશિયલ મીડિયા પર વાયરલ થઈ રહ્યો છે.
ઉત્તરી ગાઝામાં ઈઝરાયેલની બોમ્બમારાને કારણે મોટી સંખ્યામાં લોકોએ અહીં આશ્રય લીધો હતો. હોસ્પિટલ પર હુમલા બાદના વીડિયોમાં બે માળની સ્કૂલની બારીઓમાંથી લોહી નીકળતું જાેવા મળ્યું હતું. લોહીથી લથપથ લોકો મદદ માટે આજીજી કરી રહ્યા છે. આ હુમલામાં ઘણા બાળકોના પણ મોત થયા છે. મૃતકોમાં ઘણી મહિલાઓનો પણ સમાવેશ થાય છે… એવું કહેવામાં આવી રહ્યું છે કે શાળાના રૂમમાં લોહીથી લથપથ ફ્લોર પર એક ડઝનથી વધુ લોકોના મૃતદેહ પડેલા જાેવા મળ્યા હતા. શાળાના રૂમમાં ડેસ્ક વેરવિખેર અને તૂટેલા છે અને રૂમની એક દીવાલમાં મોટું કાણું જાેઈ શકાય છે.
બિલ્ડિંગના આંગણામાં મોટું નુકસાન થયું છે. યુનાઈટેડ નેશન્સ રિલીફ એન્ડ વર્ક્સ એજન્સીના પ્રવક્તા જુલિયટ ટૌમા, જે પેલેસ્ટિનિયન શરણાર્થી શિબિરોમાં શાળાઓ ચલાવે છે અને ગાઝામાં યુએનની મુખ્ય રાહત એજન્સી તરીકે સેવા આપે છે, તેણે આ ઘટનાની પુષ્ટિ કરી. જાે કે હજુ સુધી એ સ્પષ્ટ નથી થયું કે આ હુમલામાં ખરેખર કેટલા લોકો માર્યા ગયા છે.
યુએનઆરડબ્લ્યુએના વડા ફિલિપ લાઝારિનીએ જણાવ્યું હતું કે ઘટના સમયે હજારો વિસ્થાપિત લોકો ત્યાં આશ્રય લઈ રહ્યા હતા. તેમણે કહ્યું કે ઈઝરાયેલી સૈન્ય ઘટનાની સમીક્ષા કરી રહી છે, પરંતુ વધુ કોઈ ટિપ્પણી કરી નથી. ઈજિપ્ત અને કતાર આ ઘટના માટે ઈઝરાયલની સૈન્ય કાર્યવાહીને પહેલા જ જવાબદાર ઠેરવી ચૂક્યા છે. ઇજિપ્તના વિદેશ મંત્રાલયે તેને “બોમ્બમારો” ગણાવ્યો અને કહ્યું કે ઇઝરાયેલ ગાઝામાં નાગરિકો સામે નિયમોનું ઉલ્લંઘન કરવાનું ચાલુ રાખે છે. કતારે સંયુક્ત રાષ્ટ્રને ગાઝા જઈને તપાસ કરવાની અપીલ કરી છે.
